افغانستانده دولت مسئوللری بیلن ارتباطی بولگن جنایتکارلر لستی اعلان قیلینه دی
اوشبو مطلب نی ایچکی ایشلر وزیرلیگی سوزچیسی بیلدیردی
افغانستان پایتختی کابلده جنایتکار ایکن لیک لری بیلدیریلگن ایریم کیشی لر خوفسیزلیک کوچلری تامانیدن اوشلندی.
خوددی شوو کیشی لرنینگ افغانستان ایچکی ایشلر وزیرلیگی تامانیدن 222 نفر جنایتکار لر لستی نینگ اعلان قیلینیشی آرتیدن اوشلنگن لیک لری بیلدیریلدی.
اوشبو کیشی لرنینگ ایریم جنایی قضیه لر سببلی خوفسیزلیک کوچلری تامانیدن تعقیب قیلینیاتگن لیگی معلوم قیلیندی.
ایچکی ایشلر وزیرلیگی سوزچیسی نجیب دانش, مذکور وزیرلیک نینگ ینه بیر لست نی اعلان قیله دیگن لیگی نی معلوم قیلرایکن, اوشبو لستده ایریم مهم سیاستچی لر و دولت مسئوللری بیلن ارتباطی بولگن کیشی لر و امنیتی وضعیت نی یمانلشتیریش اوچون دولت نینگ امکانیتی دن استفاده قیلیاتگن کیشی لر نینگ هم موجود بوله دیگن لیگی نی بیلدیردی.
عینی دمده سوزچی, دولت ده گی قضیه لرینی تعقیب ایتمس لیک لری تقدیرده, اوشبو کیشی لر نینگ بانک حساب لری نینگ توگنه تیله دیگن لیگی و اوز لری بیلن عایله اعضا لری نینگ چیت ایللر گه سفر قیلیش لری نینگ ممنوع قیلینه دیگن لیگی نی معلوم قیلدی.
