انترکانتننتال هوتلیده گی توقنه شوو 15 ساعت بوییچه دوام ایتدی

افغانستان نینگ پایتختی کابل انترکانتننتال هوتل ده اویوشتیریلگن هجومده جان بیرگنلرنینگ سانی 30 کیشی گه بارگن.

ایچکی ایشلر وزیرلیگی سوزلاوچیسی نجیب دانش، مذکور هجومده 4 نفر تینچ اهالی توپلم 10 کیشی نینگ یره دار بولگنینی بیلدیردی.

اولگنلر آره سیده پاکستانده وظیفه دار بیر کیشی دیپلومات نینگ هم موجود ایکن لیگی قید ایتیلدی.

اوتکن کون آقم وقتی 4 نفر تروریست جنگریسی انترکانتننتال گه هجوم اویوشتیرگن ایدی. 15 ساعت لیک دوام ایتگن توقنه شوونینگ آرتیدن تروریستلر اولدیریلگن ایدی.

باشقه بیر تاماندن افغانستان جمهور رئیسی اشرف غنی هجومنی قاره لب پیام ترقتدی.

اوشبو هجومنی طالبان گروهی نینگ اوز بوینیگه آلگنی بیلدیریلدی.