افغانستانده 6 آی ایچیده اویوشتیریلگن هجوملر عاقبتیده 662 کیشی حیاتینی یوقاتدی
کوپراق اوچ ولایتده تلفات یوز بیرگن
بیرلشگن ملتلر تشکیلاتی افغانستان یاردم میسسیه‌سیدن (یوناما) بیریلگن بیاناتده، 1-جنوری 30- جون آیلری آره سیده شدّت حادثه لری نتیجه سیده قربان بولگنلر سانی اوتگن ییلگه قره‌گنده 2 % آرتگنی بیلدیریلدی.
قربانلر نینگ 67 %، حکومتگه قرشی گروهلر نینگ اویوشتیرگن هجوملری طفیلی هلاک بولگنی افاده ایتیلگن بیاناتده، بونلردن 43 % نینگ طالبان هجوملری عاقبتیده قربان بولگنی بیلدیریلدی.
هجوملرده قربان بولگن و یره لنگن انسانلر نینگ 19 % پایتخت کابلده بولگنی بیلیدیریلگن بیاناتده، کابلدن کیین ننگرهار و هلمنده اینگ کوپ قربانلر بولگنی افاده ایتیلدی.
یوناما دن بیریلگن بیاناتده، شدّت نتیجه سیده قربان بولگنلر آره سیده 174 نفر عیال بولگنی بیلدیریلدی.
کابلده رمضان آیی سوو تانکرلری ایچیده جایلشتیریلگن بمب نینگ پارتلشی نتیجه سیده 150 کیشی قربان بولگن ایدی. بیرلشگن ملتلر تشکیلاتی، هجومنی سونگی 15 ییل نینگ اینگ قانلی هجومی دیب بهاله گن ایدی.
