"تاپی" گاز پایپ لاینی منطقه اوچون فوق العاده بیر فرصت دیر
"تاپی" گاز پایپ لاینی منطقه اوچون فوق العاده بیر فرصت دیر.
"تاپی"، تورکمنستان گازینی افغانستان آرقهلی جنوبی آسیا بازارلریگه ییتکزووچی ییریک اقتصادی موافقتنامه دن عبارت دیر.
اوشبو اولکن گاز پایپ لاینی ویا قووری نینگ قوریش ایشی گه باشله آلیش اوچون اینگ آز اون ییل دن بیری دیر که مذاکره لر قیلینیب کیلدی.
تاپی موافقتنامه سی، تورکمنستان، افغانستان، پاکستان و هندوستان اولکه لری نینگ قتنه شیشی بیلن عملگه آشیریلهدی.
اوشبو ییل نینگ 22.نچی قوس تاریخیده ترکمنستان پایتختی عشقآباد ده افغانستان جمهور رییسی محمداشرف غنی، تورکمنستان رهبری قربانقلی بیردی محمدوف، پاکستان باش وزیری نواز شریف و هندوستان جمهور رییس اورین باسری نینگ قتنه شیش لری بیلن اوتکزیلگن ییغیلیشده اوشبو پروژهنینگ قوریلیش ایشیگه عملا باشلنیشی اعلان ایتیلدی.
جمهور رییس غنی تورکمنستانگه سفر قیلیشی آلدیدن کابلده خبرچیلر بیلن اوتکزگن اوچره شوویده، افغانستاناولکه سی نینگ اورته آسیا اولکه لری بیلن هر تامانلمه همکارلیکلر قیلیشی گه اشاره ایتیب، تاپی گاز پایپ لاینی نینگ قوریلیش ایشیگه باشلنیشینی هم انهشو همکارلیکلر دایره سیده کوتاریله دیگن عملی آدیملردن عبارت بولگنی نی بیان ایتگن ایدی.
ملی بیرلیک حکومتی باسقیچیده بولسه افغانستان کته سرعت بیلن مرکزی آسیا دولتلری بیلن اوز همکارلیکلری کولمینی آشیریش نیتیده سرعتلی بیر شکلده حرکت قیلماقده.
تاپی گاز پایپ لاینی نینگ قوریلیش ایشینی باشلش بیلن اوشبو همکارلیک یونهلیشده ینه بیر باشقه اهمیتلی وعملی آدیم کوتاریلیب بارماقده دیر.
تاپی آتلی گاز پایپ لاینی نینگ موافقتنامه سی، تقریبا اون ییل آلدین افغانستان، تورکمنستان، پاکستان و هندوستان اولکه لری نینگ عالی رتبه رسمی نماینده لری تمانیدن عشقآباد ده امضالنگن ایدی.
بو موافقتنامه نینگ عملگه آشیریلیشی بیلن منطقه اقتصادی کوپدن کوپ ترقی تاپیب و کته اهمیت گه ایگه بولیب کیلماقده دیر.
شونی هم تاکید بیلن ایتیش لازم دیر که اوشبو پروژهنینگ اساسی شریکلری بولگن توتله اولکه نینگ هر بیری اوز حصهسیده بو ایشدن منفعتلر قولگه کیلتیره دیلر.
بیرینچیدن دنیانینگ تورتینچی اولکن گاز منبعلریگه ایگه بولگن تورکمنستان ایلک مرته مذکور پایپ لاین آرقهلی اوز گازینی اطراف منطقه سیده گی اولکه لردن تشقری باشقه اولکهلرگه ساته آلیش فرصتی نی قولگه کیلتیره دی.
افغانستان نینگ بو توغریده گی قولگه کیلتیره دیگن منفعتی گه قره گونچه کویلماقده دیر که، "تاپی" پروژه سی منطقه بویلب افغانستان شیریک بولهدیگن اینگ ییریک اقتصادی پروژه سنه لماقده دیر.
افغانستان دولتی هر ییل تورکمنستان گازینی جنوبی آسیا بازارلریگه ترانزیت ایتیلیشی حسابیدن تخمینا 500 میلیون دالر درآمد قولگه کیریتهدی. مینگلب افغانلرگه ایشله ییش ییرلری تاپیله دی.
بوندن علاوه افغانستان، اوشبو پایپ لاین آرقهلی تورکمنستان منبعلریدن بیرینچی اون ییلده بیش یوز میلیون مترمکعب گاز، ایکینچی اون ییلده بیر مینگ میلیارد مترمکعب گاز و اوچینچی اون ییلده بیر مینگ و بیش یوز کوبا متر گاز دن فایدهلنیشگه حق قازانه دی.
شونده قیلیب، افغانستان دولتی اوز گاز منبعلریدن ایشلب چیقریلهدیگن طبیعی گازینی هم اوشبو پایپ لاین آرقهلی خارج بازارلریگه ساتیش حقیگه ایگه بوله آله دی.
چونکه، جنوبی آسیا مملکتلری اینیقسه هندوستان و پاکستان اولکه لری نینگ اورته آسیا انرژیسی اینقسه طبعی گازیگه بولگن احتیاجی کته.
ایتیلیشیچه افغانستان نینگ امنیتی ارگانلری هم مذکور گازپایپ لاینی نینگ امنیتینی تامینلش اوچون اینگ آز 7000 افغان نظامی کوچلرینی سفربر ایتهدی، بنا تاپی گاز پایپ لاینی منطقه اوچون فقط گینه اقتصادی فرصت سنلمه ماقده دیر.
بلکه مذکورموافقتنامه اوشبو اولکه لر ارا منطقوی برقرارلیک و امنیت نی تامینلش اوچون هم سیاسی فرصتلر و امکانلر گه سبب بولماقده دیر.