انگلستان باش وزیری کامیرون کابل گه تشریف بیوردی

بوگون انگلستان باش وزیری دیوید کامیرون کوتیلمه گن بیر شکل ده افغانستان پایتختی کابل گه تشریف بیوردی.
کامیرون افغانستان نینگ ینگی جمهوررئیسی اشرف غنی احمدزی بیلن اوچره شیشی آرتیدن جمهوررئیسی بیلن ارگ ده مشترک بیر مطبوعاتی کنفرانس ترتیب له دی.
اوشبو مطبوعاتی کنفرانس جریانی ده, احمدزی افغانستان ده ملی بیرلیک حکومتی نینگ قوریلیشی نینگ اوزی نینگ افغانستان خلقی نینگ نبوغی دن عبارت ایکن لیگی نی ایسله تیب اوتدی. احمدزی وظیفه لری نینگ قیین ایکن لیگی گه قره مسدن اوز مسئولیت لری نی بجا کیتیره دیگن لیک لری نی معلوم قلدی.
اشرف غنی احمدزی افغانستان ده طبعی منبع لر دن استفاده ایتیلمس لیگی تقدیرده, افغانستان ده گی قیین چیلیک لرنینگ ییچیلیشی نینگ ممکن ایمس لیگی نی بلدردی.
احمدزی, افغانستان بیلن بریتانیا آره سیده گی علاقه لرنینگ یخشی بولیشی کیره ک ایکن لیگی نی ایسله تیب اوتدی.
خودی منه شو مطبوعاتی کنفرانس جریانی ده, کامیرون ایسه, افغانستان گه هر ییل ۱۷۸ میلیون پوند یاردم ایته دیگن لیک لری نی بلدررایکن, کیله جک ده هم اوشبو یاردم لرنینگ دوام ایته دیگن لیگی نی معلوم قلدی. عینی دمده کامیرون, اولکه سی نینگ افغانستان ده حربی لر نینگ ترینینگی بوییچه فعالیت لری نینگ هم دوام ایته دیگن لیگی نی بلدردی.
اوشبو مطبوعاتی کنفرانس جریانی ده, احمدزی ایسه, افغانستان ده امنیت نینگ تامین ایتیلیشی بوییچه, کابل ده گی ناحیه لرنینگ قوماندان لری نینگ همه سی نینگ مطلق بیر شکل ده مسلکی کیشی لر دن عبارت بولیشی کیره ک ایکن لیگی نی بلدردی. بوندن تشقری احمدزی, آلدین کابل پولیسی نینگ سیاسی سبب لر بیلن تعین ایتیلگن لیگی نی ایسله تیب اوتدی.
احمدزی, اوشبو موضوع بیلن علاقه لی جمهوررئیسی بولیشی دن ایککی کون کیین ایچکی ایش لر, مدافعه و امنیت وزیر لری بیلن ییغیلیش لر اوتکزگن لیگی نی ایسله تیب اوتدی.
احمدزی, عینی دمده افغانستان ده امنیتی کوچ لرنینگ مصئونیتی نینگ تامین ایتیلیشی کیره ک ایکن لیگی نی بلدررایکن, بوندن تشقری اوشبو کیشی لرنینگ اوز مسئولیت و صلاحیت لری نی بیلیشی نینگ ضروری ایکن لیگی نی ایسله تیب اوتدی.
احمدزی, کابینه نینگ قچان قوریله دیگن لیگی و قندای بوله دیگن لیگی گه تیگیشلی سئوال گه ایسه کیین چه لیک معلومات بیره دیگن لیگی نی بلدردی.
احمدزی, افغانستان نینگ اقتصادی بیلن علاقه لی ایسه, اوشبو موضوع گه کتته اهمیت بیریتگن لیگی نی بلدررایکن, شوباعث جمهوررئیسی اوله راق اوز وظیفه سی گه باشله شی دن ایککی کون کیین ۱۵۰ نفر ملی تجار لر بیلن صحبت ایتگن لیگی نی بلدررایکن, عینی دمده کابل بانک مسئله سی نینگ قیته باشدن تیکشیریلیشی بیوروغی نی بیرگن لیگی نی ایسله تیب اوتدی.
بوندن تشقری احمدزی, افغانستان ده اقتصادی وضعیت نینگ یخشی له شیشی اوچون افغانستان نینگ مشروع بولمه گن اقتصاد دن نجات تاپیشی کیره ک ایکن لیگی نی بلدردی.
انگلستان باش وزیری دیوید کامیرون نینگ افغانستان ده ملی بیرلیک حکومتی نینگ باشقه مسئول لری هم بیلن اوچره شیشی کوتیلماقده.
افغانستان ده ینگی جمهوررئیسی نینگ اوز وظیفه سی گه باشله شی دن تورت کون کیین کیلگن کامیرون نینگ افغانستان ده گی بریتانیا لیک حربی لر بیلن صحبت ایتیشی هم کوتیلماقده.