کابل ده پاکستان گه قرشی مظاهره بولیب اوتدی

افغانستان پایتختی کابل ده پاکستان گه قرشی ناراضی چیلیک نمایش لری اوتکزگن کیشی لر پاکستان نینگ افغانستان گه قره تیلگن راکتی هجوم لری نی توخته تیشی نی طلب ایتدی.
اوشبو مظاهره لر کابل ده پاکستان ایلچی خانه سی نینگ اونگی ده بولدی.
مظاهره چی لر طالبان گه قرشی عملیات اویشتریتگن پاکستان اردوسی نینگ چیگره ده گی کنر و نورستان ولایت لری گه قره ته راکتی هجوم لری نی توخته تیشی نی طلب ایترایکن, پاکستان تمانیدن ایککی اولکه آره سیده گی چیگره ده موضع قازیلیشی فعالیت لری نینگ اداغگه ییتیشتریلیشی نی طلب ایتدی.
خودی منه شو مظاهره نینگ قریب ایککی ساعت دوام ایتگن لیگی بلدریلدی.
پاکستان لیک مسئول لر ایسه پاکستان دن افغانستان گه راکت اوریلگن لیگی نی رد ایترایکن, اوز حدود لری ده طالبان جنگری لری گه قرشی عملیات اویشتریتگن لیک لری نی بلدرماقده.