هایتی نینگ پایتختیده قوراللی جنگری گروهلر تامانیدن هجوم اویوشتیریلدی
هایتی نینگ پایتختیده قوراللی جنگری گروهلر تامانیدن هجوم اویوشتیریلدی

هایتیده قوراللی جنگری گروهلرنینگ پایتخت پورتو پرنس گه قرهشلی قصبهگه اویوشتیرگن هجومیده دستلبکی معلوماتلرگه کوره 50 کیشی حیاتینی یوقاتدی.
محلي مطبوعاتدهگی خبرگه کوره، قوراللی جنگری گروهلر پورتو پرنس دن 10 کیلومتر مصافهده جایلشگن کېنسکاف قصبهسیگه هجوم قیلدی.
هجوملرده دستلبکی معلوماتلرگه کوره 50 کیشی هلاک بولدی، کوپلب آدملر یرهلندی.
خوفسیزلیک کوچلری نینگ یېتیشماوچیلیگی سببلی قصبهگه قوشیمچه پولیس کوچلری یوباریلدی.
هایتیدهگی مستقل اهالی جمعیتی تشکیلاتی نینگ معلوم قیلیشیچه، هجوملر پیتیده 100 ته اوی اوتگه بیریلگن.
جنگری گروهلر منطقهنی کنترولینی قولگه آلیش مقصدیده "کتّه" هجوم عملگه آشیردی.
شو بیلن بیرگه، هایتی پولیسی مطبوعات کاتبی میشل آنج لوئیس محلي مطبوعاتگه بېرگن بیاناتیده، قوراللی جنگری گروه اعضالریدن 20 نفرینی اولدیرگنلرینی و خوفسیزلیکنی تأمینلش اوچون ضرور چاره - تدبیرلر کوریلهیاتگنینی معلوم قیلدی.
علاقه لی ینگی لیکلر

اروپا بیرلیگی ترامپ نینگ فلسطینلیکلرنی سورگون قیلیشی بوییچه بیاناتینی تنقید قیلدی
موضوع حقیده اروپا بیرلیگی کینگشی تشقی علاقهلر بوییچه سوزچیسی انوار ال انونی بیانات بیردی