نایجریاده بیر حربی مرکزگه ترورچیلیک هجومی اویوشتیریلدی

خوددی شو هجوم عاقبتیده اونلب کیشی حیاتینی یوقاتدی

2234596
نایجریاده بیر حربی مرکزگه ترورچیلیک هجومی اویوشتیریلدی

نایجریا‌ نینگ بورنو ولایتیده ترور تشکیلاتی بوکو حرام تامانیدن حربي مرکزگه اویوشتیرگن خودکش هجومی نتیجه‌ده 27 حربي هلاک بولدی.

نایجریا اردوسی نینگ اسمی نینگ آشکار قیلینیشینی ایسته‌مه‌گن بیر ییتکچی محلي ییتکرمه‌گه بېرگن بیاناتیده، بوکو حرام اعضالری نینگ بورنو ولایتیده‌گی حربي مرکزگه خودکش هجومی اویوشتیرگنینی معلوم قیلدی.

ییتکچی خوددی شو هجوم نتیجه‌سیده 27 حربي نینگ حیاتینی یوقاتگن لیگینی و کوپلب حربي نینگ یره لنگن لیگینی خبر بېردی.

شونده قیلیب‌، اردو تامانیدن 16-25 جنوری کونلری بورنو ولایتی نینگ تومبوکتو حدودیده بوکو حرامگه قرشی اوتکزیلگن عملیاتلر‌ دوامیده‌ 70 ترورچی اولدیریلدی.

نایجریا مدافعه‌ وزیرلیگی مېدیا عملیاتلر‌ی دیرېکتوری اېدورد بوبه بیرگن یازمه بیاناتیده، عملیاتلر‌ دوامیده‌ ترور تشکیلاتی نینگ 3 ته ییتکچیسی بیلن بیر قطارده 70 ترورچی نینگ یوق قیلینگنینی، عملیات‌لرده 22 حربي نینگ هلاک بولگنینی و کوپلب حربي نینگ جراحت آلگنینی بیلدیردی.

نایجریاده میلادی 2000- ییلدن بیری اوز موجودیتی نی دوام ایتدیریاتگن بوکوحرام نینگ میلادی 2009- ییلدن بویان اویوشتیریب کیلگن ترورچیلیک هجوملریده 20 مینگ دن آرتیق کیشی حیاتینی یوقاتدی. 

اوشبو ترور تشکیلاتی, میلادی 2015- ییلدن بیری اولکه نینگ قوشنی لریدن عبارت کامیرون, چاد و نیجر ده هم ترورچیلیک هجوم لری اویوشتیریب کیلماقده. ترور تشکیلاتی اویوشتیرگن خوددی شو هجوملرده کمیده 2 مینگ کیشی حیاتینی یوقاتدی.

اولکه ده ترورچیلیک و توقنه شوولر طفیلی یوز مینگلب کیشی کوچیب بدرغه بولگن وضعیتده.



علاقه لی ینگی لیکلر