دونالد ترامپ قسمیاد قیلیب، رسماً امریکا قوشمه ایالتلری نینگ دولت رئیسی بولدی
دونالد ترامپ امریکا قوشمه ایالتلری ده بولیب اوتگن سیلاوده جو بایدن گه قرشی غلبه قازانگندی

دونالد ترامپ کنگرهدهگی مراسمده قسمیاد قیلیب، رسماً امریکا قوشمه ایالتلری نینگ 47-دولت رئیسی بولدی.
ترامپ ایکّینچی دولت رئیسلیک مدتی نینگ بیرینچی نطقیده مملکتدهگی ناقانوني مهاجرلر معماسیگه اعتبار قرهتیب، 2019 ییلدهگیدېک ینه امریکا قوشمه ایالتلری- مکسیکو چېگرهسیده ملي فوق العاده حالت اعلان قیلیب، ناقانوني مهاجرلرنی توختهتیشینی و اولرنی دېپورت قیلیشینی معلوم قیلدی.
ترامپ مهاجرلرنینگ محکمه جریانلرینی کوتیش اوچون مملکتده قالیشینی انگلهتووچی جمهوریتچیلرنینگ "اوشله و قوییب یوبار" دېب تعریفلنگن عملیاتینی توگهتووچی اجرا فرمانی چیقریشینی ایتدی.
نطقیده ناقانوني مهاجرلرنی "جنایتچیلر" دېب تعریفلهگن ترامپ، شونینگدېک امریکا قوشمه ایالتلری نینگ جَنوبي چېگرهسیگه حربيلرنی یوباریشینی معلوم قیلدی.
سوزلری حزب اعضالری نینگ آلقیشلری بیلن تېز-تېز توختهتیلگن ترامپ "تېز آرهده مکسیکو کورفزی نینگ نامینی امریکا کورفزی دېب اوزگرتیرهمیز" دېگن عبارهنی ایشلهتدی.
ترامپ، "بوندن بویان امریکا قوشمه ایالتلری حکومتی نینگ رسمي سیاستی شوکی، فقط ایکّی جنس موجود - عیال و اېرکک" دېدی.
امریکا قوشمه ایالتلری دولت رئیسی ترامپ، "پاناما کانالینی قَیتریب آلهمیز" دېب گپیردی.