علی یف بیلن ترامپ اوزارا سوزلشوو اوتکزدی

آذربایجان جمهور رئیسی الهام علی‌یف امریکا قوشمه ایالتلری‌نینگ سیلنگن جمهور رئیسی دونالد ترامپ بیلن تیلیفونده گپلشدی.

دونالد ترامپ‌نی امریکا قوشمه ایالتلری جمهور رئیسی ایتیب سیلنگنی بیلن تبریکله‌گن الهام علی‌یف، ینگی رئیس‌نینگ فعالیتلری دنیا خوفسزلیگی‌نی تامین ایتیشده ینه ده مهم رول اوینه‌شیگه دقت تارتدی.

ترامپ‌نینگ بیرینچی دولت رئیسلک مدتی دوریده آذربایجان بیلن بولگن یخشی علاقه‌لرینی تاکیدله‌گن علی‌یف، ایککی مملکت اورته‌سیده‌گی دوستلیک و همکارلیک‌نینگ رواجلنیشینی امید قیلگنینی و بو توغریده اورونیش آلیب بارگنینی بیلدیردی.

دونالد ترامپ ایسه، تبریکلر اوچون علی‌یف‌گه منتدارچیلیک بیلدیریب، امریکا قوشمه ایالتلری و آذربایجان اورته‌سیده همکارلیک‌نی رواجلنتیریش اوچون اورتاق اورونیش‌لرنینگ اهمیتی‌گه دقت تارتدی.