نایجریاده اویوشتیریلگن قوراللی هجوم عاقبتیده کوپلب کیشی حیاتینی یوقاتدی

نایجریا نینگ بینوی ولایتیده اویوشتیریلگن قورال‌لی هجوم‌ده ۱۳ کیشی حیاتدن ایریلدی.

لوگو منطقه‌سی نینگ مسئولی بنیامین اوزیندا، محلی گزیته‌گه بیرگن بیاناتده، کیملیگی بیلینمه‌گن شخصلر تامانیدن توناون لوگو منطقه‌سیده، کلیساگه باره‌یاتگن کیشیلرگه قورال‌لی هجوم اویوشتیریلگنینی بیلدیردی.

اوزیندا، هجوم‌ده ۱۳ کیشی نینگ حیاتینی یوقاتگنینی، کوپلب کیشی‌نینگ یره‌لنگنینی قید ایتدی.

بینوی ولایتیده وقت-وقتی بیلن قوراللی هجوملر اویوشتیریلماقده.

اوتگن آیده ولایت نینگ لوگو منطقه‌سیده بولگن هجوم‌ده ۱۵ کیشی جان بیرگن ایدی.

نایجریانینگ تورلی منطقه‌لری، سونگی وقتلرده قوراللی جنگریلر قاله ویرسه بوکو حرام و داعش نینگ غربی آفریقاده‌گی ترماغی ایسواپ ترور تشکیلاتلری نینگ هجوم‌لریگه صحنه بولماقده.

مملکتده آدم اوغیرلش جنایتی نینگ جزاسی اولیم جزاسی بولیشیگه قره‌مه‌ی، تولاو آلیش اوچون اوغیرلش واقعه‌لری تیز-تیز یوز بیرماقده. قوراللی کیشیلر، عموماً یورت نینگ شمالیده‌گی قیشلاقلر، مکتبلر و یولاوچیلرنی نشانگه آلیب تولاو طلب قیله‌دیلر.