امريکا قوشمه ايالتلری بیلن اسرائیل مدافعه وزيرلری اوزارا سوزلشوو اوتکزدی

امريکا قوشمه ايالتلری مدافعه وزيری لويد آستين، اسرائيلليک همکسبی يوآو گلانت بيلن اوچره‌شوويده، ايران و ايران قوللب-قوّتله‌يديگن وکيل کوچلرگه قرشی اسرئيل و منطقه‌ده‌گی اتّفاقداشلرينی حمايه قيليشگه تيّار ايکنليکلرينی ايتدی.

امريکا قوشمه ايالتلری مدافعه وزيرليگی (پېنتاگون)دن قيلينگن بيانگه کوره، آستين، گلانت بيلن تېلفون اورقه‌لی صحبتلشدی.

اسرائيل نينگ غزّه و لبنانگه هجوملری داوام اېترکن، منطقه‌وی بحراننی توشيريشگه تیگیشلی امکانلر کوريب چيقيلگن سوزلشووده آستين، اوز يورتی‌نينگ "ايران و ايران قوللب-قوّتله‌يديگن وکيل کوچلردن کېله‌ديگن تهديدلرگه" قرشی امريکا قوشمه ايالتلری عسکرلرينی، اسرائيل و منطقه‌ده‌گی اتّفاقداشلرينی حمايه قيليشگه تيّار ايکنليگينی تکرارله‌دی.

وزير آستين، لبنان چېگره‌سيده‌گی توقنه‌شوولر سببلی اوز اويلرينی ترک اېتيشگه مجبور بولگن لبنانليک و اسرائيلليک تينچ اهالی‌نينگ خوفسيز قيتيشلريگه امکان بېره‌ديگن ديپلوماتيک تشبّث گه صداقتلرينی ينه بير بار تصديقله‌دی.

آستين، سوزلشووده يېنه غزّه‌ده‌گی آغير انسانی شرطلر قاله ویرسه اسير آلمه‌شووی و آتشکیس امکانلرينی بهاله‌دی.