اسرائیل اردوسی لبنان نینگ پایتختی گه هجوملر اویوشتیرماقده

اسرائیل اردوسی، لبنان نینگ پایتختی بیروت نینگ داهيه حدودیگه هوا هجومی اویوشتیرگنینی اعلان قیلدی.

بیروت نینگ داهيه منطقه سی ینه‌ بیر بار اسرائیل نینگ هوا هجومی بیلن نشانگه آلیندی.

بمباردماندن سونگ منطقه دن قویوق توتونلر کوتریلدی.

لبنان مقاملری اېسه هوا هجومیده قربانلر بار-یوقلیگی حقیده حلی معلومات بېرمه‌دی.

اسرائیل اردوسی بېرگن بیاناتده، داهيه حدودیده "بیر هدفگه" هوا هجومی اویوشتیریلگنی قید اېتیلدی.

هجوم نینگ انیق مقصدی حقیده باتفصیل معلومات بېریلمه‌گن بیاناتده، بمباردمان تفصیلاتلری کېینراق اعلان قیلینیشی تأکیدلندی.

اسرائیل اردوسی اوزی نینگ هوا هجوملریده لبنان نینگ جَنوبی و شرقینی، شونینگدېک، پایتخت بیروتده "حزب الله نینگ قلعه‌سی" دېب اتله‌یاتگن داهيه حدودینی تېز-تېز نشانگه آله‌دی.

27-سپتامبر کونی دا‌هيه منطقه سیگه اویوشتیریلگن هوا هجومیده حزب الله باش کاتبی حسن نصرالله و جَنوبي جبهه قوماندانی علی کره‌کی هلاک بولگن اېدی.