ناتو باش کاتبی ینس ستولتنبرگ لبنان ده گی وضعیتدن چوقور قیغو سېزه‌یاتگنینی ایتدی
ینس ستولتنبرگ، بلجیم‌نینگ پایتختی بروکسېلده‌گی ناتو قرارگاهیده اوتکزیلگن وظیفه تاپشیریش مراسمی آلدی مطبوعاتگه بیانات بېردی
ناتو باش کاتبلیگینی مارک روتته‌گه تاپشریشگه تیارلنه‌یاتگن ینس ستولتنبرگ، اتفاق نینگ لبنانده‌گی وضعیتدن چوقور قیغو سېزه‌یاتگنینی ایتدی.
ینس ستولتنبرگ، بلجیم‌نینگ پایتختی بروکسېلده‌گی ناتو قرارگاهیده اوتکزیلگن وظیفه تاپشیریش مراسمی آلدی مطبوعاتگه بیانات بېردی.
لبناندگی وضعیت حقیده‌گی بیر سوراققه جواب بیرگن ستولتنبرگ، "البته لبنانده بوله‌یاتگن واقعه‌لرنی یقیندن کوزه‌تیب باره‌یاپمیز، اما ناتونینگ او یېرده انیق بیر رولی یوق." دېدی.
ستولتنبرگ، شولرنی قید ایتدی:
"شو سببدن البته بیر اتفاق صفتیده، او یېرده‌گی برچه همکارلریمیز بیلن علاقه‌ده‌میز. البته دشمنلیکلرنینگ ممکن بولگن اینگ قیسقه وقتده توگشینی اومید قیله‌میز. بیز اورته شرقده و لبنانده کوره‌یاتگن بحراندن چوقور قیغو سېزه‌میز. شو سببدن ناتو متفقلری‌نینگ هم غزه‌ده‌گی داوام ایته‌یاتگن دشمنلیکلرگه هم لبنانده‌گی وضعیتگه قره‌تیلگن بحراننی کمه‌یتیریش و سیاسی بیر یېچیم تاپیش حرکتلرینی قوللب-قوتله‌یمیز."
