نایجریاده یوزلب کیشی جان بیردی
نایجریاده کوچلی یامغیرلر و سوو تاشقینلر طفیلی 269 کیشی هلاک بولدی
نایجریاده کوچلی یامغیرلر و اولر سبب بولگن تاشقینلر طفیلی 269 کیشی هلاک بولدی.
بیرلشگن ملتلر تشکیلاتی نینگ قاچقینلر بوییچه عالي کمیشنرلیگی نایجریا‌ده‌گی وکیلی ارجون جه‌ین، بیرلشگن ملتلر تشکیلاتی نینگ ژنیو اداره‌سیده بولیب اوتگن هفته‌لیک مطبوعات کنفرانسیده وضعیتنی بهاله‌دی.
جه‌ین نینگ سوزلریگه کوره، سونگگی هفته‌لرده نایجریا نینگ 36 ته ولایتیدن 30 ته‌سیده کوچلی یامغیرلر ضرر ییتکزگن:
"حکومت وکیللری نینگ معلوماتلریگه کوره، آرتیقچه یاغینگرچیلیکدن 1 میلیوندن آرتیق کیشی ضرر کورگن. 269 کیشی هلاک بولگن، 640 مینگدن آرتیق کیشی اوز اوی - جایلرینی ترک ایتیشگه مجبور بولگن."
جه‌ین، بیرلشگن ملتلر تشکیلاتی قاچقینلر بوییچه عالي کمیشنرلیگی و انسانی یاردم کورسه‌تووچی همکارلر سوو تاشقینلری طفیلی اوی-جایسیز قالگنلرگه یاردم کورسه‌تیشده دوام ایته‌یاتگنینی، لیکن ذخیره‌لرنینگ تیز توگه‌یاتگنینی تأکیدله‌دی. او، شونینگدیک، عاجل احتیاجلرنینگ 10 فایزیدن کمراغی تأمینلنگنینی بیلدیردی.
جه‌ین نینگ سوزلریگه کوره، بو هلاکتلی تاشقینلر کوپ ییللردن بیری دوام ایته‌یاتگن کوچیریلیشلر، آزیق-طعام تنقیصلیگی و اقتصادي قیینچیلیکلرنی ینه‌ده کوچه‌یتیرگن. مینگلب آدملر سوو کوتریلیشیدن قوریقلنیش اوچون حددن تشقری گوجوم مکتبلر و کمپلرده باش‌پناه ایزله‌یاتگنینی ایتدی.
بیرلشگن ملتلر تشکیلاتی قاچقینلر بوییچه عالي کمیشنرلیگی معلوماتلریگه کوره، نایجریاده اساسن مملکت نینگ شِمال-شرقیده 3،6 میلیون کیشی اوز یورتیده بدرغه بولگن وضعیتده. نایجریا، شونینگدیک، 100 مینگگه یقین قاچقین و مهاجرگه هم میزبانلیک قیلماقده.
