آلمان باش وزیری روسيه بیلن اوکراین اورته‌سیده تینچلیک اورنه‌تیلیشیگه یاردم بیره آلیشلرینی ایتدی
آلمان باش وزیری قزاقستان نینگ پایتخت آستانه شهری گه تشریف بیوردی
آلمان باش وزیری اولاف شولز، روسيه بیلن اوکراین اورته‌سیده تینچلیک اورنه‌تیلیشیگه هر قنده‌ی وقتده یاردم بیره آلیشلرینی ایتدی.
قزاقستانگه تشریف بویورگن شولز، پایتخت آستانه شهریده قیلگن بیاناتیده، جرمني و قزاقستان اورته‌سیده کینگ قمراولی همکارلیک موجودلیگینی تأکیدله‌دی.
شولز نینگ سوزلریگه کوره: "مرکزي آسیا تاباره مهم اهمیت کسب ایتماقده. اروپا نینگ مرکزیده جایلشگن ییریک دولت بولگن آلمان نینگ، مرکزي آسیا مملکتلری اوچون هم اقتصادي، هم باشقه ساحه‌لرده ایشانچلی همکار صفتیده موجود بولیشی جوده مهم."
شونینگدیک، قزاقستانده مهم اوچره‌شوولر اوتکزگنینی تأکیدلب، بو اوچره‌شوولرنینگ قزاقستان کیله‌جگی و آلمان اقتصادي رواجلنیشی اوچون کتّه اهمیتگه ایگه ایکنلیگینی بیلدیردی.
باش وزیر شولز، روسيه و اوکراین اورته‌سیده تینچلیک اورنه‌تیش اوچون امکانیتلر ایزلش ضرورلیگینی تأکیدلب، اوروشنی توخته‌تیش اوچون هر قنده‌ی وقتده یاردم بیره آلیشلرینی قید ایتدی.
شونینگدیک، شولز روسيه اشتراکیده‌گی تورلی کنفراسلر اوتکزیلیشی حقیده اوز فکرینی بیلدیرر ایکن: "اوروشنی باشله‌گن هم، دوام ایتتیره‌یاتگن هم روسيه‌دیر و روسيه تجاوزکارلیککه چیک قوییشی بیلن اوروشنی توگه‌تیشگه هر قنده‌ی وقتده حصه قوشیشی ممکن،" دییه تأکیدله‌دی.
