اوکراین کابینه سیده کتته اوزگریش بولدی

اوکراین نینگ بورونغی انقره ایلچیسی و تشقی ایشلر وزیری نینگ اورینباسری اندری سیبیگا, تشقی ایشلر وزیری ایتیب تعینلندی. 

اوکراین حکومتیده کینگ کولملی اوزگریش بولرایکن, پارلمان, توناون بولیب اوتگن عمومی کینکش ییغیلیشیده کابینه نینگ ینگی عضولرینی انیقله دی. 

اوشبو دایره ده, اوکراین نینگ بورونغی انقره ایلچیسی و تشقی ایشلر وزیری نینگ اورینباسری اندری سیبیگا, تشقی ایشلر وزیری ایتیب تعینلندی. 

اولها استیفانیشینا, اوکراین نینگ اوروپا و اوروپا- اتلانتیک مطابقت بوییچه مسئول باش وزیر اورینباسری و عدلیه وزیری اوله راق تعین ایتیلدی. 

اولیکسی کولیبا, اوکراین نینگ قیته قوریلیشی بوییچه مسئول باش وزیر اورینباسری و جمعیت لر و منطقه لرنی رواجلنتیریش وزیری ایتیب تعینلندی. 

اوکراین اطراف- محیط نی محافظه ایتیش و طبیعی منبع لر وزیری سیوتلانا گرینچوک, اوکراین یاشلر و سپورت وزیری ایسه ماتوی بیتنی بولدی. 

میکولا توچیتسکی, مدنیت و ستراتیژیک خبرله شیش وزیری و ناتالیا کالمیکووا, اوکراین غازی لر وزیری ایتیب تعینلندی. 

اوکراین ستراتیژیک صنعت لر وزیری گرمان سمیتانین, ایکینچیلیک سیاستی و غذا وزیری ایسه ویتالی کووال بولدی.

اوکراین جمهوررئیسی ولودیمیر زلنسکی, "ینگی انرژی گه احتیاج لری بولگن لیگی و بو اقدام نینگ (کابینه اوزگریشی) اولکه سی نینگ فرقلی ساحه لر بوییچه کوچی نینگ آرتیب کیتیشی بیلن علاقه لی" ایکن لیگینی بیلدیرگن ایدی.