تورکیه ملی استخبارات اداره سی نینگ باشلیغی ابراهیم قلین لیبیا گه تشریف بویوردی

تورکیه ملی استخبارات اداره سی نینگ باشلیغی ابراهیم قلین لیبیا گه تشریف بویوردی

قلین لیبیا ملی بیرلیک حکومتی نینگ باشلیغی بیلن اوچره شدی

تورکیه جمهوریتی ملی استخبارات اداره سی نینگ باشلیغی ابراهیم قلین لیبیا گه تشریف بویوردی. 

لیبیا ملی بیرلیک حکومتی نینگ رسمی فیسبوک صفحه سی آرقه لی بیرگن بیاناتیگه کوره, لیبیا ملی بیرلیک حکومتی نینگ باشلیغی عبدالحمید الدبیبه قلین نی پایتخت طرابلسده گی دفتریده کوتیب آلدی. 

بولیب اوتگن اوچره شووده, ایکله اولکه اورته سیده گی مناسبت لر, اورتاق اهمیت گه ایگه موضوع لر و اسرائیل نینگ غزه نواری گه قره ته دوام ایتیاتگن هجوملر و اورته شرقده گی ینگیلیک لر توغریسیده سوز یوریتیلدی. 

قلین بیلن الدبیبه, سیاست و امنیت ساحه لریده گی همکارلیک نی آرتیریش گه اهمیت بیریب, منطقه مقیاسیده برقرارلیک نی حمایت قیلیش و عادی اهالی نینگ خوفسیزلیگی نی تامین ایتیش اوچون اورتاق فعالیت یوریتیش کیره ک ایکن لیگینی بیلدیردی.