عراق نینگ شمالیده گی متینا, زاب, غارا, خاکورک, قندیل و اسوس منطقه لریده اویوشتیریلگن هوا عملیاتیده سونگّی 4 کونده ترور تشکیلاتی پ.ک.ک اعضاسی 27 نفر ترورچی یوق قیلیندی. 

اوشبو توغریده تورکیه جمهوریتی ملی مدافعه وزیرلیگی تامانیدن بیانات بیریلدی. 

بیاناتده, "میلادی 2024- ییل 2- سپتامبر کونی عراق نینگ شمالیده گی متینا, زاب, غارا, خاکورک, قندیل و اسوس منطقه لریده گی هدف لر گه قره ته اویوشتیریلگن هوا عملیاتیده آلینگن دستلبکی معلوماتگه کوره کمیده 20 نفر ترورچی یوق قیلیندی.  عینی دمده عراق نینگ شمالیده گی خاکورک منطقه سیده اویوشتیریلگن هوا عملیاتیده ینه 7 نفر ترورچی یوق قیلیندی.  شونده ی قیلیب سونگّی تورت کونده عراق نینگ شمالیده یوق قیلینگن ترور تشکیلاتی پ.ک.ک اعضاسی ترورچی لر سانی 27 نفر گه ییتدی" دییه قید ایتیلدی.