آق اوی پوتین گه جواب قیتردی
آق اویدن بیریلگن بیاناتده "پوتین بیزنینگ سیلاولریمیز حقیده گپیریشنی بس قیلیشی کیره‌ک" دییلدی
امریکا قوشمه ایالتلریده آق اوی ملي خوفسیزلیک علاقه مصلحتچیسی جان کیربی، مملکتیده‌گی دولت رئیسلیک سیلاولری حقیده "کما‌له هریس نی قوللب-قوّتله‌یمن" دیگن روسیه دولت رئیسی ولا‌دیمیر پوتین گه جواب بیردی:
"پوتین بیزنینگ سیلاولریمیز حقیده گپیریشنی بس قیلیشی کیره‌ک، نقطه." دییه چقیریق قیلدی.
آق اوی ملي خوفسیزلیک علاقه مصلحتچیسی کیربی، تیلی کنفرانس آرقه‌لی اوتکزگن مطبوعات انجمنیده، امریکا قوشمه ایالتلری دولت رئیسلیک سیلاولریگه تیگیشلی بیانات بیرگن پوتین حقیده اوز فکرینی بیلدیردی.
پوتین نینگ هریس نی قوللب-قوّتلشی حقیده‌گی بیاناتیگه تیگیشلی کیربی گه سوال بیریلگنده:
"پوتین بیز نینگ سیلاولریمیز حقیده گپیریشنی بس قیلیشی کیره‌ک، نقطه. او هیچ کیمنی بو یول یاکه باشقه یولده قوللب-قوّتله‌مسلیگی کیره‌ک." دیدی.
کیربی، امریکا قوشمه ایالتلری نینگ ینگی دولت رئیسی کیم بولیشیگه فقط‌گینه امریکالیک خلق نینگ قرار بیریشینی تأکیدلب، پوتین امریکا قوشمه ایالتلری دولت رئیسلیک سیلاولری حقیده بیانات بیریشنی و سیلاولرگه اره‌لشیش گه اورونیشنی توخته‌تیشی کیره‌کلیگینی ایتدی.
روسیه نینگ ولادی وستوک شهریده بولیب اوتگن شرقي اقتصادي ییغین گه اشتراک ایتگن پوتین، بیر سوالگه تبسم قیلیب:
"سیزگه ایتگنیمدیک، بیز ایلگریده دیب کورگن دولت رئیس بایدن ایدی. حاضر او رقابتدن چیقدی، لیکن اوز ایزداشلریدن خانم هریس نی قوللب-قوّتلشنی سوردی، شونینگ اوچون بیز هم شونی قیله‌میز، اونی قوللب-قوّتله‌یمیز." دیگن ایدی.
پوتین اوز سوزینی:
"البته، تنلاو امریکا خلقیگه تیگیشلی و بیز بو قرارگه حرمت بیلن قره‌یمیز. تنلش بیزنینگ وظیفه‌میز ایمس، بو امریکا خلقی نینگ تنلاویدیر." سوزلری بیلن دوام ایتتیردی.
