پولیس مخالف سیاستچی گه اوق اوزدی

یوگانداده پولیس بیر مظاهره جریانیده حقیقی آتی رابرت کیاگولانی بولگن مخالف سیاستچی بوبی واین گه اوق اوزدی. 

پایتخت کامپالا یقینلریده اویوشتیریلگن ناراضی چیلیک نمایشی جریانیده مظاهره چی لر بیلن پولیس اورته سیده توقنه شوو یوز بیردی. 

مظاهره گه اشتراک قیلگن مخالف سیاستچی, توقنه شوو جریانیده پولیس تامانیدن ایاغیدن اوریلدی. 

ملی بیرلیک پلاتفرمی, خوفسیزلیک کوچلری نینگ "اولدیریش اوچون" واین گه اوق اوزگن لیگی نی بیلدیررایکن, اونینگ آغیر یره لنگن لیگی معلوم قیلدی. 

حاضرچه پولیس یاکه حکومت مسئول لری تامانیدن اوشبو حادثه بیلن علاقه لی هیچ قنده ی بیر بیانات بیریلمه گن. 

میلادی 2021- ییل 14- جنوری کونی بولیب اوتگن جمهوررئیسلیک سیلاولریده کاندید بولگن قوشیقچی و مخالف سیاستچی بوبی واین, سیلاو آلدی دن اوشلنگن ایدی.  اوشبو ینگیلیک کیتیدن ایسه خشونت حادثه لری باشلب کیتگن ایدی. 

مظاهره لرده 50 دن آرتیق کیشی حیاتینی یوقاتگن ایدی.  اوشبو سیلاو دایره سیده 34 ییلدن بیری اقتدارده بولگن یاوری موسوینی جمهوررئیس ایتیب سیلنگن ایدی.  واین, سیلاوده قلابلیک بولگن لیگینی ادعا ایتگن ایدی.