روسیه تامانیدن اویوشتیریلگن هجوم عاقبتیده کوپلب کیشی جان بیردی
روسیه اردوسی تامانیدن اوکراین ده بیر سوپرمارکیت گه هجوم اویوشتیریلگن لیگی بیلدیریلدی
اوکرایننینگ دونیتسک ولایتیده جایلشگن کونستنتینیوکه شهریدهگی بیر سوپرمارکیت گه روسیه اردوسی تامانیدن اویوشتیریلگن هجومده اولگنلر سانی 10 گه، یرهلنگنلر سانی ایسه 35 گه ییتدی.
اوکراین ایچکی ایشلر وزیری ایگور کلیمینکو اجتماعي ترماقدهگی حسابیدن بیرگن معلوماتده، روسیه اردوسی نینگ کونستنتینیوکه شهریدهگی سوپرمارکیت گه اویوشتیرگن هجومیدن کیین قیدیروو-قوتقروو ایشلرینی آلیب باریش حقیده معلومات بیردی. کلیمینکو هجوم نتیجهسیده تخمیناً 1000 مترمربعلیک میدانده چیققن یانغین اوچیریلگنینی و سوپرمارکیت تشقریسیده شهردهگی بعضی بنالرگه هم ضرر ییتگنینی تأکیدلهدی.
کلیمینکو آخرگی معلوماتلرگه کوره، هجوم نتیجهسیده اولگنلر سانی نینگ 10 گه، یرهلنگنلر سانی نینگ ایسه 35 گه کوتریلگنینی معلوم قیلدی.
اوکراین دولت رهبری ولادیمیر زیلنسکي هجوم بیلن باغلیق بیاناتیده، "روسیه بو ترورچیلیک اوچون جوابگر بولهدی." دیب ایتدی و دنیا اوکراین نینگ یانیده توریش گه دوام ایتیشی کیرهکلیگینی تأکیدلهدی.
اوکراین دونیتسک ولایتی حربي باشقروو رهبری وادیم فیلاشکین روسیه اردوسی کونستنتینیوکه گه توپ آتیش تیزیملری بیلن هجوم اویوشتیرگنینی معلوم قیلدی.
