کویت خلق ارا یاردم اویوشمه سی یمن گه یاردم ییتکیزیب بیریلیشیدن خبر بیرماقده

کویت نینگ یاردم اویوشمه سی نجاد، یمن نینگ غربیده یوز بیرگن سیل فلاکتیدن سلبی تاثیرلنگنلر اوچون 165 مینگ دالر مقداریده عاجل یاردم کورسه‌تیلیشینی اعلان قیلدی.

کویت نینگ رسمي خبر آژانسی کونا، نجاد اویوشمه سی نینگ یمن گه کورسته‌یاتگن یاردمی گه تیگیشلی بیاناتگه اورین بیردی.

بیانا‌تده، "یمنده‌گی سیل فلاکتیدن ضرر کورگنلرگه تخمیناً 50 مینگ دینار (تخمیناً 165 مینگ دالر) عاجل یاردم کورستیله‌دی." دییلگن.

یاردم نینگ اویوشمه نینگ بحران و آفتلرگه قرشی، قرداش مملکتلر بیلن بیرگه‌، تورلی مملکتلرده آلیب باره‌یاتگن انسانی یاردم ایشلری دایره‌سیده عملگه آشیریلیشی تأکیدلنگن. بیاناتده، "یاردملر آره‌سیده 1000 ته آزیق-طعام پاکتی، 250 ته چادر، کمپل و کورپچه، 250 ته ایچیملیک سووی سقلش تانکی موجود." دییلگن.

یمن نینگ ریجه‌لشتیریش و خلق‌ارا همکارلیک وزیرلیگیدن "عاجل خطر چقیریغی" سرلوحه‌سی بیلن بیریلگن یازمه بیاناتده، مملکتلر، مالی فند باشقرمه لری، خلق‌ارا و انسانی تشکیلاتلر، همده‌ برچه‌ خلق‌ارا و منطقوي تشکیلاتلرگه، یمن حکومتی گه سیل فلاکتی سبب بولگن ضررلرگه قرشی کوره‌شیشده یاردم بیریش چقیریغی قیلینگن.

بیانا‌تده، کوچلی یامغیر سبب بولگن سیل فلاکتیده آست قوریش ‌توزیلمه، دولت مال-ملکی و شخصي ملک‌که جدّي ضرر ییتگنلیگی قید ایتیلگن.

یمن نینگ غربیده جایلشگن تعز و حدیده شهرلریده یوز بیرگن سیل فلاکتیده 45 کیشی هلاک بولگن.

شاهدلر، حدیده نینگ بعضی بیر حدودلریده یوز بیرگن یامغیرنینگ سونگگی 40 ییل ایچیده‌گی اینگ کوچلی یامغیر ایکنلیگینی تأکیدله‌گن.