امریکا نینگ سوریه و عراقده گی حربی مرکز لری گه قره ته کوپلب هجوم اویوشیتریلدی

امریکا قوشمه ایالتلری مدافعه وزیرلیگی (پنتاگون), 17- اوکتوبر دن بیری عراق و سوریه ده گی حربی مرکزلری گه قره ته تقریباً 58 هجوم اویوشتیریلگن لیگینی معلوم قیلدی. 

پنتاگون سوزچیسی اورینباسری سابرینا سینگ, کونده لیک مطبوعاتی کنفرانسیده, امریکا قوشمه ایالت لری حربی مرکز لری گه قره ته اویوشتیریلگن هجوم لر حقیده معلومات بیردی. 

سینگ, "17- اوکتوبر دن بیری عسکر لری میزگه قرشی 58 مراتبه هجوم اویوشتیریلدی.  اوشبو هجوم لرنینگ همه سی موفقیتسیزلیککه اوچره دی. زیربنا گه جدی ضرر ییتکزمه دی و هیچ بیر عسکری میز قتتیق یره لنمه دی.  یره لنگن همه عسکر لری میز اوز وظیفه لریگه قیتدی" دییه قید ایتدی. 

سینگ, "حاضرگه چه تقریباً 58 مراتبه هجوم اویوشتیریلدی.  اوشبو هجوم لرنینگ 27 ته سی عراقده اویوشتیریلرایکن,  سوریه ده ایسه اویوشتیریلگن هجوم لر سانی 30 الی 31 گه ییتدی" دیدی. 

منطقه ده گی امریکا قوشمه ایالتلری حربی مرکز لری گه قره تیلگن هجوم لر گه جواب قیتریلمه گن لیگینی قبول قیلمه یدیگن لیگینی بیلدیرگن سینگ, "سونگّی اوچ هجوم گه بیرگن جوابی میز نی کوردینگیز دیب اویله یمن.  بولر دن بیریده امنیت بیر اویده فعالیت یوریتیاتگن قومانده کنترول بولیمی و باشقه ایکّی سیده ایسه قورال دیپولش و تعلیم مرکزی اوریلدی" دییه قید ایتدی.

"ینه هجوم اویوشتیریلسه, پلانلنگن جای و وقتده مطلق صورتده جواب قیتره میز" دییه قید ایتگن سینگ, امریکا قوشمه ایالتلری حربی مرکز لری گه قره تیلگن هجوم لر سانی نینگ مهم مقیاسده آزه یگن لیگینی بیلدیردی.