تورکیه - آذربایجان - گرجستان اوزارا حربی سیناو اوتکزماقده

آذربایجان نینگ پایتختی باکوده تورکیه، آذربایجان و گرجستان نینگ قتنشیشی بیلن کمپیوتر حایه لی قومنده جایی حربی سیناو (Eternity-2023) باشله دی.

آذربایجان مدافعه وزیرلیگی تامانیدن بیریلگن بیاناتده آذربایجان ملی مدافعه عالی بیلیم یورتی حربی باشقروو انستیتوتی حربی اویینلر مرکزیده Eternity-2023 حربی سیناوی نینگ باشله تیلگن لیگی بیلدیریلدی.

بیاناتده عملی و نظری بولیملردن عبارت خوددی شو حربی سیناوده اوچ اولکه نینگ حربی پرسونلی و تیگیشلی دولت باشقروولری نینگ وکیللری نینگ قتنشیشی بیلن ستراتیژیک اهمیتی بولگن پروژه لرنینگ قوریقلنیشی اوچون اجرا ایتیله جگی معلوم قیلیندی.

وزیرلیک تامانیدن بیریلگن بیاناتده اوچ اولکه نینگ قوراللی کوچلری اورته سیده گی اوزارا همکارلیک و شریکلیک نینگ کوچه یتیریش مقصدی بیلن آلیب باریلگن حربی سینش نینگ 6 اکتوبرگچه دوام ایته جگی قید ایتیلدی.