سودانده میلیونلب باله یاردم گه محتاج

سودانده 13,6 میلیون باله نینگ بشری یاردم گه محتاج ایکن لیگی بیلدیریلدی. 

بیرلشگن ملتلر تشکیلاتی سوزچیسی استیفن دوجاریک, یونیسف نینگ سودان بیلن علاقه لی بیرگن معلوماتی توغریسیده سوز یوریتدی.

سودانده میلیونلب باله نینگ اوروش لردن تاثیرلنگن لیگینی بیلدیرگن دوجاریک, توقنه شوو لرنینگ باشلب کیتگن اپریل آیی نینگ اورته سیدن بیری 70 باله نینگ حیاتینی یوقاتگن لیگینی معلوم قیلدی. 

یونیسف و خلق ارا قیزل صلیب کمیته سی نینگ پایتخت خرطوم ده یتیم خانه ده گی 300 گه یقین باله نی امنیت جای لر گه انتقال ایتدیرگن لیگینی معلوم قیلگن دوجاریک, باله لرنی آله دیگن عایله لر قیدیریلیاتگن لیگینی بیلدیردی. 

دوجاریک, "سودانده 13,6 میلیون باله بشری یاردم گه محتاج" دییه قید ایتدی. 

عینی دمده سودانده بیرلشگن ملتلر تشکیلاتی و بشری یاردم پرسونلی نینگ فعالیت لری نینگ دوام ایتیاتگن لیگینی بیلدیرگن دوجاریک, توسیق لرنینگ آلیب تشله نیشی اوچون سودانلیک مسئول لر بیلن اوچره شوو لر آلیب باریلیاتگن لیگینی ایسله تیب اوتدی.