امریکا قوشمه ایالتلری اوکراین گه حربی یاردم ییتکیزیب بیریلیشیدن خبر بیردی

امریکا قوشمه ایالتلری اوکراین گه هوا مدافعه تیزیملری قاله ویرسه تورلی قورال تیزیملری و مهماتلر بولگن ینگی حربی یاردم ییتکیزیب بیریلیشیدن خبر بیردی.

آق اوی ملی خوفسیزلیک کینگشی ستراتیژیک علاقه مسؤلی جون کربی کونده لیک مطبوعاتی کنفرانسیده امریکا قوشمه ایالتلری اردوسی نینگ اوز حربی چوکاتیده گی مهماتلریدن اوکراین گه ینگی حربی یاردم ییتکیزیب بیره جگینی معلوم قیلیب ینگی پاکت نینگ پتریئوت هوا مدافعه تیزیملری، ستینگرلر و یوکسک کیفیتلی توپ راکت تیزیملری اوچون قوشیمچه مهماتلردن عبارت ایکن لیگینی قید ایتدی.

امریکا قوشمه ایالتلری مدافعه وزیرلیگی پنتاگون تامانیدن بیریلگن بیاناتده هم حربی یاردم پاکتی نینگ 300 میلیون دالر ارزشیده ایکن لیگینی و ماین تمیزلش تجهیزاتلری و تورلی بویلرده توپ مهماتلرینی اوز ایچی گه آلگن لیگی بیلدیریلدی.   

کربی اوکراین دولت باشلیغی ولودیمیر زلنسکی نینگ 10 ماده لیک تینچلیک ریجه سینی اوپراسیونل وضعیتی گه کیلتیریش اوچون اوکراینلیکلر بیلن بیرگه لیکده اورونیب تورگن لیکلرینی ایتدی.

کربی شونده ی بولیب روسیه توپراقلریگه هجوم اویوشتیرمسلیکلری بوییچه اوکراینلیک ییتکچیلردن تعهد آلگن لیکلرینی افاده ایتدی.