پوتین اردوغان بیلن اوچره شه دی

کرملین سوزچیسی دیمیتری پیسکوف, تورکیه جمهوریتی جمهوررئیسی رجب طیب اردوغان بیلن روسیه دولت رهبری ولادیمیر پوتین اورته سیده یوز مه یوز بیر اوچره شوو نینگ بولیب اوتیشی اوچون پلان لری نینگ موجود ایکن لیگینی معلوم قیلدی. 

پیسکوف, اوشبو مطلب نی روسیه پایتختی مسکوده بیرگن بیاناتیده بیردی. 

"پوتین, اردوغان گه سیلاوده گی موفقیتی و ینه جمهوررئیس ایتیب سیلنگن لیگی سببلی تبریک بیلدیریش مقصدی بیلن قونغیراق قیلگنده, ایکله رهبر یقین کیله جکده یوز مه یوز اوچره شیش نیتیده ایکن لیگینی تائید ایتدی" دییه قید ایتگن پیسکوف, خوددی شوو اوچره شوو نینگ قییرده و قچان بوله دیگن لیگی نینگ انیقله نیش باسقیچیده ایکن لیگینی بیلدیردی. 

سوزچی, "اوشبو اوچره شوو نینگ قییرده و قچان بوله دیگن لیگینی ایکله رهبر نینگ برنامه سی گه کوره انیقلش کیره ک.  لیکن بونده ی بیر کیلیشوو بار و اوشبو اوچره شوو بوییچه تیارگرلیک اوتکزیاتگن لیگی میزنی بیلدیریشیم ممکن" دییه قید ایتدی.