السالوادور نینگ بورونغی جمهوررئیسی فونس قماققه محکوم قیلیندی

السالوادور نینگ بورونغی جمهوررئیسی مائوریسیو فونس, "شبکه لر بیلن همکارلیک" عیبلاوی بیلن 14 ییل قماققه محکوم قیلیندی. 

مطبوعات آرقه لی بیریلگن خبرلرگه کوره, محکمه, فونس نینگ اولکه ده جرایم میزانی نی توشیریش اوچون شبکه لر بیلن کیلیشیب آلگن لیگی و بونگه قرشی شبکه سرکرده لری گه قماقخانه لرده ایریم امتیاز لر بیرگن لیگینی معلوم قیلدی. 

عینی دمده محکمه نینگ بورونغی امنیت وزیری متقاعد جنرال دیوید مونگویا پایس نی هم بونگه اوخشش عیبلاولر بیلن 18 ییل قماققه محکوم قیلگن لیگی بیلدیریلدی. 

پایس, محکمه نینگ حکمی آرتیدن بیرگن بیاناتیده, کوپلب ناقانونی ایش لرنینگ بولگن لیگینی قبول قیلرایکن, لیکن اونگه قره تیلگن عیبلاو لرنینگ هیچ قیسی نینگ قانونی بیر اساس گه ایگه ایمس لیگینی بیلدیردی. 

شبکه باشلیق لری نینگ اوشبو کیلیشوو دایره سیده قماقخانه لرده محفل لر ترتیب له گن لیگی و قانونی بولمه گن ایشلر قیلگن لیگی ادعا ایتیلدی. 

میلادی 2009- 2014- ییل لرده السالوادور جمهوررئیسی بولگن 64 یاشلی فونس, میلادی 2019- ییلده اولکه سی گه قیتریب بیریلمس لیک اوچون نکاراگوا وطنداشی بولگن ایدی. 

فونس, ناقانونی روشده پول تاپیش, اداری فساد و پول یوویش بیلن عیبلنگن ایدی.