تونس ده 2 ته اوچاق قولب توشدی

تونس ده ایککی ته کیچیک اوچاق نینگ قولب توشیشی عاقبتیده 2 نفر فرانسیز توریست حیاتینی یوقاتدی.

تونس تینچ اهالینی قوریقلش باشقرووی تامانیدن بیریلگن یازمه بیاناتده اولکه نینگ جنوبیده جایلشگن چول منطقه سیده گی توزر شهریده ایککی کیچیک اوچاق نینگ قولب توشگن لیگی، اوچاقلردن بیرته سی نینگ بوتونله ی یانیب کیتگن لیگی شونده ی بولیب ایچیده گی 2 کیشی نینگ حیاتینی یوقاتگن لیگی بیلدیریلدی.

ایریم اوچاقده گی 2 کیشی نینگ ایسه یره لنگن لیگی معلوم قیلیندی.

یره لیلرنینگ و حیاتینی یوقاتگنلرنینگ فرانسیز توریستلردن عبارت ایکن لیگی قید ایتیلدی.

بیاناتده "شنبه کونی لادرک بولگن ایککی اوچاق نی قیدیروو قوتقروو اورونیشلری نتیجه سیده هوا کوچلریگه باغلیق تیک اوچر اوچاقلری نینگ قالدیقلری نینگ تاپیب آلیندی" دییلدی.

یره لیلرنینگ توزر دولت کسلخانه سیگه ییتکیزیلگن لیگی معلوم قیلینگن بیاناتده حادثه بیلن تیگیشلی تیرگاو باشله تیلگن لیگی خبر بیریلدی.