جهان نشرات ارگانلری اردوغان نینگ سیلاوده گی موفقیتی گه کینگ اورین اجره تدی

تورکیه جمهوریتی جمهوررئیسی رجب طیب اردوغان نینگ سیلاوده گی موفقیتی گه جهان نشرات ارگانلری کینگ اورین اجره تدی.  

بی بی سی, استانبول و انقره ده انسان لرنینگ, جمهوررئیسلیک مجتمع سی و کوچه لرده اردوغان نینگ سیلاوده گی موفقیتی نی قیزغین کوتیب آله باشله گن لیگینی بیلدیردی. 

اردوغان نینگ نتیجه نینگ اعلان قیلینیشی آرتیدن استانبولده معروضه قیلگن لیگینی بیلدیرگن گاردین, جمهوررئیس اردوغان نینگ ینه 5 ییللیک بیر مدت بیلن تورکیه نی باشقره دیگن لیگینی معلوم قیلدی. 

سی ان ان, جمهوررئیس اردوغان نینگ بالکن دن قیلگن معروضه سی گه قیزیقیش نینگ جوده کتته بولگن لیگینی بیلدیردی. 

نیویورک تایمز روزنامه سی, تورکیه ده بولیب اوتگن سیلاو لر اوچون انترنت صفحه سیده خاص بیر جای اجره تدی. 

وال ستریت جورنال روزنامه سی نینگ انترنت سایتیده ایسه, "اولکه گه اینگ اوزاق مدت خدمت ایتگن رهبر, سیلاو نینگ ایکّینچی دوریده اساسی رقیبی نی مغلوبیت گه اوچره تدی" دییه قید ایتدی. 

آلمان نینگ نشرات ارگانی ARD و ZDF نینگ خبر لریده تورکیه ده گی سیلاو نینگ نتیجه سی نی ایلک خبر اوله راق ترقه تدی. 

فرانسه نینگ لو موند روزنامه سی, جمهوررئیس اردوغان نینگ ینه جمهوررئیس ایتیب سیلنگن لیگینی بیلدیردی. 

ایتالیا نینگ کوریر دیلا سیرا روزنامه سی, اسپانیا نینگ لو وانگاردیا روزنامه سی, اطریش نینگ دای پرس روزنامه سی, لو سایر و دو مورگن, سویس نینگ ایزویستیا روزنامه سی, لبنان نینگ النهار روزنامه سی و فلسطین نینگ القدس روزنامه سی تورکیه ده بولیب اوتگن جمهوررئیسلیک سیلاوی نینگ ایکّینچی دوری و جمهوررئیس اردوغان نینگ موفقیتی بیلن علاقه لی خبر لر گه کینگ اورین اجره تدی.