نایجریاده امریکانینگ بویوک ایلچیلیک پرسونللریگه قره ته قوراللی هجوم اویوشتیریلدی

نایجریانینگ جنوب – شرقیده جایلشگن انمبره ایالتیده امریکا قوشمه ایالتلری نینگ بویوک ایلچیلیک پرسونلی گه قره ته اویوشتیریلگن قوراللی هجوم عاقبتیده دستلبکی معلوماتگه کوره 4 کیشی حیاتینی یوقاتگن.

ملی مطبوعاتده گی خبرلرگه کوره انسانپرورلیک یاردم فعالیتلری اوچون انمبره ایالتی گه بارگن امریکا قوشمه ایالتلری بویوک ایلچیلیک پرسونلی گه قره ته اوگبارو منطقه سیده قوراللی هجوم اویوشتیریلگن.

خوددی شو هجوم عاقبتیده دستلبکی معلوماتگه کوره 4 کیشی حیاتینی یوقاتگن.

امریکا قوشمه ایالتلری نینگ ابوجه بویوک ایلچیلیگی تامانیدن بیریلگن بیاناتده امریکا قوشمه ایالتلری بویوک ایلچیلیک پرسونلی نینگ حادثه بیلن تیگیشلی تیرگاو آلیب باریلیشی اوچون نایجریالیک خوفسیزلیک کوچلری بیلن همکارلیک ایچیده ایکن لیگی معلوم قیلیندی.

نایجریانینگ جنوبیده ترور تشکیلاتی بیئافرا محلی خلقلری (IPOB) تامانیدن وقت وقتی بیلن بوکبی هجوملر اویوشتیریلماقده.

بیئافرا خلقی نینگ نایجریانینگ جنوبیده مستقل بیئافرا دولتینی قوریش طلب  قیلیب قوزغالانگه قول اوروشی بیلن 1967 ییلی یوزبیرگن ایچکی اوروشده میلیونلب کیشی حیاتینی یوقاتگندی.

اولکه نینگ جنوبیده 1967 ییلی قوریلگن بیئافرا جمهوریتی ایچکی اوروش نتیجه سیده قیته دن نایجریانینگ حاکمیتی آستی گه کیرگندی.