بیر تورک بویوک ایلچی بیرلشگن ملتلر تشکیلاتی نینگ افغانستان بوییچه بهالش وکیلی ایتیب تعیینلندی

بیرلشگن ملتلر تشکیلاتی باش کاتبی انتونیئو گوترش تامانیدن تورک بویوک ایلچی فریدون سینیرلی اوغلی افغانستان بوییچه خاص بهالش وکیلی ایتیب تعیین قیلیندی.

اوشبو تعیینلش نی بیرلشگن ملتلر تشکیلاتی باش کاتبی سوزچیسی ستفان دوجاریک کونده لیک مطبوعاتی کنفرانسیده اعلان قیلدی.

موضوع بوییچه بیریلگن یازمه بیاناتده، گوترش نینگ مستقل بهالندیریش نینگ سینیرلی اوغلی نینگ آلیب باریشینی و "افغانستان دوچ قالگن موجود وضعیت" توغریسیده تولیق و توغری تکلیف تقدیم ایتیشینی کوتگن لیگی بیلدیریلدی.

بویوک ایلچی سینیراوغلی نینگ خلق ارا مناسبتلر و دیپلوماسی ساحه سیده ییترلی تجربه گه ایگه ایکن لیگی گه دقت تارتیب بویوک ایلچی نینگ ایش حیاتیده سیاسی، انسانی، رواجلنیش، انسان حقلری و واسطه چیلیک دوسیه لرینی آلیب بارگن لیگی افاده ایتیلدی.

بیاناتده سینیرلی اوغلی نینگ افریقادن اورته شرق گچه، اروپا، شمالی امریکا و آسیادن افغانستان گچه جوده کینگ بیر جغرافی ساحه حقیده تولیق بیلگی و تجربه سی بارلیگی قید ایتیلدی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده هم سینیر اوغلی نینگ اوشبو وظیفه گه تعیینلنیشی نینگ ممنونیت بیلن کوتیب آلینگن لیگی معلوم قیلیندی.

مذکور بیاناتده تورکیه نینگ بیرلشگن ملتلر تشکیلاتی دایره سیده افغانستان بیلن علاقه لی فعالیتلرگه یاردمی نینگ بوندن کیین هم دوام ایته جگی تاکییدلندی. سینیرلی اوغلی نینگ بو فعالیتلرگه اونیملی حصه قوشه جگیدن شبهه یوقلیگی اورغولندی.

2015 ییلی تشقی ایشلر وزیری ایتیب وظیفه آلیب بارگن سینیرلی اوغلی تشقی ایشلر وزیرلیگی نینگ "اینگ اوزاق مدت مستشارلیک وظیفه سینی آلیب بارگن" دیپلوماتلریدن بیرته سی ایتیب تن آلینماقده.

سینیرلی اوغلی 2016 -2023 ییللریده تورکیه نینگ بیرلشگن ملتلر تشکیلاتی دایمی وکیلی ایتیب وظیفه آلیب باردی.