اروپا اتفاقی آذربایجان بیلن ارمنستان گه چقیریق قیلدی

اروپا اتفاقی آذربایجان بیلن ارمنستان گه بیر بیری نینگ توپراق بوتونلیگی گه حرمت قیلیشی بوییچه چقیریق قیلدی.

اروپا اتفاقی تشقی علاقه لر و خوفسیزلیک پولیتیکاسی بوییچه فوق العاده نماینده سی جوزیپ بوریل نینگ باشقرووی تامانیدن بیریلگن بیاناتده، تیناون کونی آذربایجان – ارمنستان چیگره سیده یوزبیرگن توقنه شووده تلفات یوزبیرگن لیگی طفیلی قیغوده چومیلگن لیگی بیلدیریلدی.

بیاناتده "بو حادثه تعیین قیلینگه گن چیگره بولمه گنده 1991 چیزیغی گه حرمت قیلینیشی، شونگه اوخشش حادثه لرگه توسیق بولیش اوچون ایککی تامان نینگ کوچلری نینگ بو چیزیقدن خوفسیز مصافه گه اوزاقلشیشی تاکییدلنگن دیر" دییلدی.

میلادی 1991 – ییلی آلماتا اعلامیه سی قاله ویرسه 2022 ییلی اکتوبر آییده پراگده بولیب اوتگن اوزارا توپراق بوتونلیگینی تن آلیش توغریسیده گی کیلیشووگه بناً آذربایجان و ارمنستان نینگ تعهدلریگه باش ایگیشی کیره ک لیگی معلوم قیلینگن بیاناتده چیگره لرنینگ تعیینلنیشی بوییچه مذاکره لرنینگ تیزلشتیریلیشی بوییچه چقیریق قیلینگن.

اروپا اتفاقی نینگ چیگره تعیینلش فعالیتلرینی قوللب – قوتلش گه تیار ایکن لیگی تاکییدلنگن.   

آذربایجان – ارمنستان چیگره سیده یوزبیرگن توقنه شووده ارمنستان اردوسی منسوبلری تامانیدن اوق اوزیلیشی عاقبتیده 3 نفر آذربایجان حربیسی نینگ شهید بولگن لیگی بیلدیریلگندی.

شونده ی بولیب آذربایجان اردوسی نینگ جواب بیرگن لیگی و ارمنستان اردوسی نینگ هم مهم درجه ده تلفات بیرگن لیگی افاده ایتیلگندی.

ارمنستان مطبوعاتیده اورین آلگن خبرلرده هم خوددی شو توقنه شوو عاقبتیده ارمنستان اردوسی نینگ تلفات بیرگن لیگی معلوم قیلینگندی.