اسپانیاده مسلمان اهالی سانی کوپه ییب بارماقده

اسپانیاده مسلمان اهالی سانی سونگگی 30 ییلده 10 قوات کوپه یگن وضعیتده.

اسپانیا اسلام کینگشی باش کاتبی محمد اجنه رمضان آیی مناسبتی بیلن اسپانیاده گی مسلمانلرنینگ عموماً حیاتلری و اولر دوچ کیلگن قیینچیلیکلر بیلن تیگیشلی اناطولی آژانسی گه معلومات بیردی.

" اسپانیاده مسلمان اهالی سانی سونگگی 30 ییلده 10 قوات کوپه یگن وضعیتده. رسمی روشده 2،5 میلیون غیر رسمی روشده ایسه قریب 3 میلیون مسلمان بار اسپانیاده." دیب ایته دی اجنه .

 اولکه ده گی مسلمانلرنینگ 1 میلیوندن آرتیغی نینگ اسپانیا وطنداشی ایکن لیگینی بولردن بیر قسمی نینگ وطنداشلیک قولگه کیریتگن کوچمنلردن عبارت ایکن لیگینی قالگنی نینگ اصلی نینگ بوتونله ی اسپانیالیک ایکن لیگینی افاده ایتدی.

اسپانیا اسلام کینگشی باش کاتبی محمد اجنه بولردن کوپراغی نینگ مراکش، پاکستان، بنگلدیش، سنگال و الجزایرلیک مسلمانلردن عبارت ایکن لیگینی معلوم قیلیب اسپانیاده گی مسلمان نفوسی نینگ کوپراغی نینگ کتلونیا، والینسیا، اندلوس و مادرید کبی صنایعی رواجلنگن منطقه لرده جایلشگن لیگینی قید ایتدی.

دنیاده گی برچه مسلمانلر کبی اسپانیاده گی مسلمانلر اوچون هم رمضان آیی نینگ خاص اورنی بولگن لیگینی بیلدیرگن اسپانیا اسلام کینگشی باش کاتبی محمد اجنه مسلمان نفوسی اینگ کوپ بولگن سئوتا و ملیلاده بیر نیچه ییل آلدین قولگه کیریتیلگن بیر کونلیک رمضان و قربان بیره می تعطیلی حقی نینگ اسپانیانینگ ایریم منطقه لریده گی مسلمانلر اوچون هم طلب ایتگن لیکلرینی تیلگه آلدی.

اولکه ده 1992 ییلی قول قوییلگن همکارلیک کیلیشووی بیلن مسلمانلرنینگ اجتماعی و حقوقی حقلری نینگ امنیت آستیگه آلینگن لیگینی بیلدیرگن اجنه "ینه ده نفرت سوزلریگه قرشی دقتلی بولیش و تدبیرنی قولدن بیرمسلیک کیره ک" دیب ایتدی.