یوقاری مرتبه لی سیاستچیلرنی اولدیرماقچی بولگن شبکه تاثیرسیز وضعیت گه کیتیریلدی

برازیلده یوقاری مرتبه لی سیاستچیلر و مسئول لر نی اولدیریش نی ریجه له گن شبکه تاثیرسیز وضعیت گه کیتیریلدی. 

خبرلرگه کوره, فدرال پولیس, بیر وقت نینگ اوزیده اوشبو اولکه نینگ بیش ایالتیده شبکه گه قرشی کینگ کولملی عملیات اویوشتیردی. 

عدلیه وزیری فلاویو دینو, تویتر آرقه لی بیرگن بیاناتیده, 120 پولیس نینگ شبکه گه عاید اوی و بنا لرگه کیرگن لیگینی معلوم قیلرایکن, "بیر نیچه دولت مقامی نی اولدیریش بوییچه پلان لر قولگه کیریتیلدی, (آره سیده سناتور بیلن قاره لاوچی هم بار) اوشبو پلان لر تیکشیریلدی و کیره کلی اقدام قیلیندی" دییه قید ایتدی. 

اوشبو شبکه نینگ اولدیریش نی ریجه له گن کیشی لر آره سیده برازیل جمهوررئیسی لوئیس ایناسیو لولا دا سیلوا و سابق عدلیه وزیری سرگیو مورو نینگ هم موجود ایکن لیگی معلوم قیلیندی. 

خوددی شوو عملیات نینگ PCC دیب ناملنگن شبکه گه قرشی اویوشتیریلگن لیگی و اوشبو شبکه گه باغلیق قوراللی کیشی لرنینگ سابق عدلیه وزیری مورو نینگ اویی نینگ یقینیده بیر باغنی کرا گه آلیب اوزاق بیر مدت کشفی فعالیت یوریتگن لیگی بیلدیریلدی.