یونان تورکیه گه یاردم یوباردی

یونان تامانیدن تورکیه ده زلزله دن تاثیرلنگن منطقه لر اوچون یوباریلگن 250 تن یاردم موادی تورکیه نینگ ایدیرنه ولایتی گه ییتیب کیلدی.

6- فبروری ده یوز بیرگن زلزله آرتیدن تورکیه گه یاردم لری نی دوام ایتدیریاتگن یونان, پایتخت آتن نی هم قمره گن آتیک منطقه سیدن 250 تن بشری یاردم موادی نی تورکیه گه یوباردی. 

غذایی مواد, کییم- کیچک, کمپل و اولیه یاردم موادی دن عبارت بولگن اوشبو یاردم لر, ایدیرنه ولایتیدن زلزله دن تاثیرلنگن منطقه لر گه یوباریش اوچون ریل گه یوکلندی. 

آتیک منطقه سی والی اورینباسری واسیلیس کوکالیس, منطقه نینگ ایکّینچی یاردمی نی تورکیه گه ییتکزیب بیرگن لیکلرینی معلوم قیلدی. 

کوکالیس, "قوشنی تورک خلقی نینگ یانیده میز و ضرورت لری بولگن برچه ساحه لرده همکارلیک قیلیش گه دوام ایته میز" دییه قید ایتدی.