امریکا دولتی چین – اوکراین مناسبتینی تعقیب آستیگه آلگن وضعیتده

امریکا قوشمه ایالتلری چین نینگ روسیه – اوکراین اوروشیده آله دیگن یانداشوونی یقیندن تعقیب ایتماقده.

آق اوی ملی خوفسیزلیک کینگشی سوزچیسی جان کربی، پکین نینگ، اوکراین نینگ اوروش بیلن تیگیشلی غایه سینی ایشیتی نینگ اهمیتینی تاکییدله دی.

کربی اوکراین دولت باشلیغی ولودیمیر زلنسکی بیلن چین دولت باشلیغی شی جینپینگ نینگ احتمالی تیلفون سوزلشووینی قوللب – قوتله گن لیکلرینی ایتدی.

چین تشقی ایشلر وزیری کین گنگ بیلن اوکراینلیک کسبداشی دیمیترو کولبا تیلفون آرقه لی سوزلشدی.

چینلیک وزیر بحران نینگ تاباره کوپه ییب کیتیشی و منترولدن چیقیب کیتیش احتمالیدن خواطرده ایکن لیکلرینی ایتدی.

گنگ چین نینگ عادل و انیق بیر یانداشووده بولگن لیگینی معلوم قیلدی.

میلادی 2022 ییلی 24 فبروریده روسیه دولت باشلیغی ویلادیمیر پوتین اوکراین نی اشغال ایتیش بویروغی بیریشی بیلن روسیه – اوکراین اوروشی باشلب کیتگندی.

پوتین کیف نینگ ناتوگه اعضا بولیشی گه توسیق بولیش و اونی روسیه نینگ تاثیری آستیگه توتیش اوچون اولکه نی حربیسیزلشتیریلیشینی و نازیدن تمیزلشتیریلیشینی مقصد قیلیب آلگن لیگینی تیلگه آلگندی.