هندوستان بیلن فرانسه اردولری اورته سیده حربی سینش اوتکزیلماقده

هندوستان بیلن فرانسه اردولری اورته سیده اویوشتیریلگن « FRINJEX-23» آتیده گی ایلک مشترک حربی سینش تیناون کونی باشله دی.

هندوستان اردوسی جنوب قومندانلیگی نینگ تیویتر آرقه لی بیریلگن بیاناتده "هندوستان بیلن فرانسه اردولری اورته سیده اویوشتیریلگن « FRINJEX-23» آتیده گی ایلک مشترک حربی سینش تیرووانانتاپورام ده باشله دی. حربی دسینش ایککی اولوس نینگ اردولری اورته سیده گی مشترک فعالیت و همکارلیک نی کوچه یتیریش نی مقصد قیلیب آلماقده" دییلدی.

مدافعه وزیرلیگی تامانیدن 6 مارچده بیریلگن بیاناتده تیناون کونی باشله گن ایککی کونلیک حربی سینش نینگ کرالا ایالتی نینگ پایتختی تیرووانانتاپورام ده گی پنگوده حربی قونلغه ده بولیب اوته جگی بیلدیریلگندی.

بیاناتده ایککی اردونینگ ایلک مرته مشترک حربی سینش اوتکزیشی بوییچه معلومات بیریلگندی.