جو بایدن نینگ اوکراین گه جونب کیتیشیدن آلدین روسیه گه خبر بیریلگن لیگی بیلدیریلدی

امریکا قوشمه ایالتلری نینگ دولت باشلیغی جو بایدن اوکراین نینگ پایتختی کیف گه جونب کیتیشیدن آلدین روسیه گه خبر بیرگن لیگی بیلدیریلدی.

امریکا قوشمه ایالتلری ملی خوفسیزلیک مصلحتچیسی جیک سالیوان جانلی روشده گی جلسه ده ژورنالیستلرنینگ سواللریگه جواب قیتردی.

جیک سالیوان "روسلرگه دولت باشلیغی جوبایدن نینگ کیف گه سفر اویوشتیریشی ممکن ایکن لیگی حقیده معلومات بیردیک. بونی «کوچلرنینگ بیر بیری بیلن ایریلیشی» مقصدی بیلن (بایدن) یولگه قوییلمه ی توروب بیر نیچه ساعت آلدین خبر بیردیک" دیب ایتدی.

جیک سالیوان روسیه نینگ بو خبرگه عکس العملی حقیده معلومات بیرمه دی.

شونده ی بولیب جیک سالیوان نینگ اینیقسه هسته ای سوپر کوچلر اورته سیده خواهلنمه گن ویا کوتیلمه گن توقنه شوولرگه توسیق بولیش معنا بیره دیگن «کوچلرنینگ بیر بیری بیلن ایریلیشی» سوزینی استعمال قیلیشی دقت تارتدی.

امریکا قوشمه ایالتلری نینگ دولت باشلیغی جوبایدن پولند سفریدن آلدین تیناون کونی اوکراین نینگ پایتختی کیف گه کوتیلمه گن بیر سفر اویوشتیرگندی.

جو بایدن بو جایده اوکراین دولت باشلیغی ولودیمیر زلنسکی بیلن اوچره شووی نینگ آرتیدن اویوشتیرگن مشترک مطبوعاتی کنفرانسده اوکراین اوچون 500 میلیون دالرلیک ینگی حربی یاردم پاکتینی اعلان قیلدی.

بایدن اوکراین حکومتی گه وطنداشلری گه اساسی خذمت بیریشی اوچون تیزده میلیاردلب دالرلیک بودجه تامین ایتیب بیره جکلرینی بیلدیردی.