کوپلب اولکه لر نینگ تورکیه گه یاردملری دوام ایتماقده

جاری آی نینگ 6- کونیده تورکیه ده یوز بیرگن و 10 ولایت نینگ تاثیرلنگن زلزله لر سببلی کوپلب اولکه لرنینگ تورکیه گه یاردم لری دوام ایتماقده. 

آلدین قیدیرو- قوتقرو تیم لری یوبارگن آذربایجان, تورکیه گه, بیر مینگدن آرتیق خیمه و 400 گه یقین منقل یوباردی. 

بیرلشگن عرب امیرلیک لری تورکیه و سوریه ده زلزله دن تاثیرلنگن کیشی لر اوچون اوچاق بیلن 640 تن یاردم موادی یوباردی.

عینی دمده بیرلشگن عرب امیرلیک دولت رهبری محمد بن زاید نینگ آنه سی فاطمه بنت مبارک, تورکیه و سوریه ده گی زلزله دن تاثیرلنگن لر گه تقریباً 13 میلیون 600 مینگ دالرلیک یاردم یوباردی. 

اسپانیا, منطقه ده قوریلیشی اوچون صحرا کسلخانه سی یوباررایکن, یونانده ایسه, تورکیه گه عاجل اولیه مواد و ساغلیق موادی یوباریلیشی بوییچه پروسه دوام ایتماقده. 

آلمان نینگ کولن شهریده توپلنگن و موتر لرگه یوکلنگن 120 تنلیک یاردم موادی, زلزله دن تاثیرلنگن منطقه لر گه یوباریلدی. 

بلجیم پایتختی بروکسلده تورک وطنداش لر و اویوشمه لری تامانیدن توپلنگن یاردم موادی نی انتقال ایتدیرگن بیرینچی کارگو اوچاغی ییتیب کیلدی. 

فلسطین نینگ یوبارگن یاردم تیمی تورکیه و سوریه گه ییتیب کیلرایکن, آرژانتاین, تورکیه گه 28 کیشیلیک قیدیرو- قوتقرو تیمی یوباردی. 

بلاروس هم قیدیرو- قوتقرو فعالیت لری گه اشتراک ایته دیگن ایکّینچی تیم نی یوباردی. 

قیرغزستان, زلزله آرتیدن قیدیرو- قوتقرو فعالیت لری گه اشتراک قیلیاتگن قیرغز تیم لریده گی کیشی لر سانی نی آرتیره دیگن لیگی, صحرا کسلخانه سی بیلن خیمه و طبی مواد یوباره دیگن لیگی نی بیلدیردی. 

جهان بانکی, تورکیه اوچون 1 میلیارد 780 میلیون دالرلیک منبع تامین ایتیله دیگن لیگی نی بیلدیررایکن, امریکا قوشمه ایالتلری هم تورکیه و سوریه اوچون 85 میلیون دالرلیک قوشمچه منبع تامین ایتیله دیگن لیگی نی معلوم قیلدی. 

آلمان نینگ بایوتکنالوژی شرکتی دن عبارت بایونتیک تورکیه و سوریه ده بشری یاردملر اوچون 1 میلیارد یورو اجره تگن لیگی نی معلوم قیلرایکن, بوینگ هم تورکیه ده گی زلزله دن تاثیرلنگن کیشی لرگه یاردم مقصدی بیلن تورکیه قیزیل یریم آی جمعیتی گه 500 مینگ دالر یاردم بیردی. 

کویت هم, زلزله دن تاثیرلنگن کیشی لر اوچون 15 میلیون دالر یاردم بیره دیگن لیگی نی بیلدیردی. 

عینی دمده پاکستانده, تورکیه ده گی زلزله دن تاثیرلنگن کیشی لر اوچون یاردم کمپاینی باشله تیلدی.