سوریه ده زلزله عاقبتیده بیر مینگ آلتی یوز دن آرتیق کیشی حیاتینی یوقاتدی

مرکزی تورکیه نینگ قهرمان ماراش ولایتی دن عبارت بولگن 7,7 و 7,6 ریشترلیک ییرقیمیرلش حادثه لریده, سوریه نینگ فرقلی منطقه لریده حیاتینی یوقاتگن لر سانی 1602 نفر گه ییتدی. 

اوشبو حادثه عاقبتیده 3 مینگ 649 کیشی نینگ ایسه یره لنگن لیگی بیلدیریلدی. 

زلزله دن تاثیرلنگن ادلب, حلب, حماه, لاذقیه و طرطوس ولایتلریده قیدیرو- قوتقرو فعالیت لری دوام ایتماقده. 

بشار الاسد رژیمی نینگ خبر آژانسی دن عبارت SANA نینگ بیرگن خبری گه کوره, زلزله عاقبتیده حلب, لاذقیه, حماه و طرطوس ولایت لریده رژیم نینگ کنترولیده گی منطقه لرده 812 کیشی حیاتینی یوقاترایکن, 1449 نفر ایسه یره لندی. 

سوریه نینگ شمالیده مخالف لرنینگ قولیده گی منطقه لرده هم کوپلب بنا نینگ قوله گن لیگی یاکه خساره مند بولگن لیگی بیلدیریلدی. 

ادلب بیلن فرات قالقانی و زیتون ناوده سی عملیاتی منطقه لریده زلزله عاقبتیده کمیده 790 کیشی حیاتی نی یوقاترایکن, 2 مینگ 2 یوز دن آرتیق کیشی ایسه یره لندی.