اسلام همکارلیک تشکیلاتی غرب اولکه لریده قرآن کریم نی اوتگه بیریش حرکتلرینی قاره له دی

اسلام همکارلیک تشکیلاتی اروپا اولکه لری نینگ حکومتلرینی سویدن، هالند و دنمارکده قرآن کریم نی اوتگه بیریب کمسیتگن لرگه قرشی "آغیر جزائی تدبیرلر" آلیش گه چقیردی.

اسلام همکارلیک تشکیلاتی تامانیدن بیریلگن یازمه بیاناتده سویدن، هالند و دنمارکده قرآنکریم نی اوتگه بیریلیشی توغریسیده تشکیلات نینگ مشترک یانداشووینی بیلدیریش مقصدی بیلن اجرائیه کینگشی نینگ عاجل جلسه اوتکزگن لیگی معلوم قیلیندی.

بیاناتده خوددی شو جلسه ده اسلام دشمن لیگی گه پست بیر شکلده قول اورگنلرگه قرشی تشکیلات آله دیگن چاره – تدبیرلرنینگ تیلگه آلینگن لیگی قید ایتیلدی.

تشکیلات تامانیدن بیریلگن بیاناتگه کوره جلسه ده سوز یوروتگن اسلام همکارلیک تشکیلاتی باش کاتبی حسین ابراهیم طها اروپاده افراطی راستگرا مدنی همجمعیت ایزداشلری آلیب بارگن نامعقول حرکتلر طفیلی ممنونیتسیزلیگینی افاده ایتگن لیگی بیلدیریلدی.

طها "اینیقسه بو کبی نامعقول نمایشلرگه غرب اولکه لریده افراطی راستگرالر تامانیدن قیته – قیته قول اوریلگن لیگی طفیلی تیگیشلی حکومتلرنینگ جزائی چاره – تدبیرلر آلیشلری کیره ک، دیب ایتگن.

بو نامعقول حرکتلرنینگ تکرارلنمس لیگی اوچون تیگیشلی تامانلرنی آغیر چاره – تدبیر الیش گه چقیرگن طها قرآنکریم نی قصداً یاقیش و حضرت محمدنی کمسیتیش حرکتلری نینگ فقط اسلام دشمنلیگی ایتیب کوریلمس لیگی کیره ک لیگینی تاکییدله دی.

طها جنابلری بو حرکتلرنینگ، سانی 1،6 میلیارد بولمیش برچه مسلمانلرگه قره ته توغریدن توغری بیر کمسیتیش ایکن لیگینی افاده ایتدی.

سویدن نینگ پایتختی استکهلمده 21 جنوریده دنمارکلیک افراطی راستگرا سیاستچی راموس پالودان تورکیه نینگ استکهلم بویوک ایلچیلیگی نینگ قاشیده قرآنکریم یاقرکن پولیس کوچلری پاولدان نینگ هیچ کیم نینگ یقین باریشی گه رخصت بیرمه گندی.

پاولدان 27 جنوریده هم دنمارکده بیر مسجدنینگ قاشیده و تورکیه نینگ کوپنهاگن بویوک ایلچیلیگی قاشیده قرآنکریم نی اوتگه بیرگندی.

هالندده هم عرقچی غرب نینگ اسلاملشیشی گه قرشی وطنسیور اروپالیکلر (PEGIDA) حرکتی ییتکچیسی ادوین واگنسولد، لهی شهریده بیر اوزی بیر نمایش اوتکزیب قرآن کریم نی یاققندی.