اسپانیاده بیر کیشی بیر راهب نی پیچاقلب اولدیردی

اسپانیا نینگ جنوبیده گی کادیس نینگ آلخسیراس تومنیده, ایکّی کلیسا گه پیچاق بیلن حمله قیلگن بیر کیشی 1 راهب نی اولدیررایکن, 4 کیشینی ایسه یره له دی. 

اسپانیا مطبوعاتیده, آلخسیراس ده محلی وقت بیلن ساعت 19.30 ده ایکّی کلیسا گه پیچاق بیلن حمله قیلگن بیر کیشی نینگ 1 راهب نی اولدیرگنلیگی و 4 کیشینی ایسه یره له گنلیگی بیلدیریلدی.

آلخسیراس نینگ مرکزیده گی اینگ کتته کلیسا دن عبارت سیده لا پالما نینگ راهبی دیگو والنیسیا نینگ اوشبو حادثه عاقبتیده حیاتینی یوقاتگنلیگی معلوم قیلیندی. 

شاهد لر, هجومچی نینگ راهب نی پیچاقلب اولدیرگن لیگی نی بیلدیردی. 

قولیده گی پیچاغی بیلن سان ایسیدرو محله سیده یوریگن و باشقه بیر کلیسا گه حمله قیلگن اوشبو کیشی نینگ, خوددی شوو ییرنینگ اوزیده هم راهب و ینه 3 کیشینی یره له گنلیگی بیلدیریلدی. 

اسپانیا دولت تلویزیونی RTVE, هجومچی نینگ 25 یاشلی مراکشلی بیر ایرکک ایکنلیگینی بیلدیررایکن, اوشبو کیشی نینگ خوفسیزلیک کوچلری تامانیدن اوشلنگنلیگینی معلوم قیلدی.