تورکیه ده گی سیلاو لر جیوپلتیک اهمیت گه ایگه

تورکیه جمهوریتی جمهوررئیسلیک علاقه باشقرمه سی باشلیغی فخرالدین آلتون, جمهوررئیس رجب طیب اردوغان باشچی لیگیده خلق ارا مقیاسده بیر اکتور گه ایلنگن توکیه نینگ, مثبت و برقرارلشتیروچی فعالیت لر آلیب باریش گه دوام ایته دیگن لیگی نی بیلدیردی. 

آلتون, نشنل نیوز روزنامه سیده ترقه تیلگن "دنیا نینگ قالگن بولیمی اردوغان نینگ قیته باشدن جمهوررئیس ایتیب سیله نیش بوییچه سعی و حرکت لری حقیده نیمه دیماقده؟" عنوانی بیلن تنقیدی بیر مکتوب یازدی.

آلتون نینگ اوشبو مکتوبی بوگون نشنل نیوز روزنامه سیده باسیلیب چیقدی. 

تورکیه نینگ, داعش دن تشقری دنیا نینگ ترور تشکیلاتی دیب تن آلگن پ.ک.ک و اونینگ سوریه ده گی بولیمی دن عبارت وای پی جی گه قرشی عملیات لرده فعال رول آلگن لیگی نی معلوم قیلگن آلتون, "بو منطقه ده برقرارلشتیروچی بیر رول اوینه ش بوییچه قرارلی لیگی میز نی دوام ایتدیرماقده میز" دییه قید ایتدی. 

آلتون, اردوغان نینگ, 24- فبروری دن بیری دوام ایتیاتگن روسیه- اوکراین اوروشیده اینیقسه غله انتقالی و اسیر لرنینگ المه شووی بوییچه مثبت سیاست لری بیلن اینگ اساسی رول گه ایگه بولگن لیگی نی بیلدیردی. 

سویدن و فنلاند نینگ ناتو گه اعضالیک بوییچه مراجعه قیلگن لیگی حقیده بحث ایتگن آلتون, تورکیه نینگ, بو اولکه لرنینگ بعضی سیاست لری نی قیته کوریب چیقیشی نی طلب ایتیاتگن لیگی نی معلوم قیلدی. 

تورکیه نینگ تشقی و ملی خوفسیزلیک سیاست لری نینگ تورک ملتی نینگ منفعت لری نی عکس ایتدیرگن لیگی نی معلوم قیلگن آلتون, "جمهوررئیس اردوغان باشچی لیگیده خلق ارا بیر اکتور گه ایلنگن اولکه میز, خلق ارا حقوق اخلال لری نی قبول قیلمسدن مثبت و برقرارلشتیروچی تشبث لر قیلیش گه دوام ایته دی" دییه قید ایتدی. 

تورکیه ده جاری ییلده بولیب اوته دیگن سیلاو لرنینگ حقلی بیر شکلده فقط گینه محلی ایمس, بلکه جیوپلتیک تاثیر گه ایگه ایکن لیگی نی بیلدیرگن آلتون, جمهوررئیس اردوغان نینگ منطقه و خلق ارا جیوپلتیک ساحه ده مهم بیر سیاستچی ایکن لیگی نینگ هم توغری ایکن لیگی نی معلوم قیلدی. 

آلتون, "اولکه میز نینگ کیله جگی نی چیت دولت لرنینگ نیمه اویله گن لیگی ایمس, بلکه سیلاو لرده رای بیره دیگن تورک وطنداش لری انیقله یدی" دییه قید ایتدی.