سوریه گه تورکیه آرقه لی بشری یاردم ییتیشتیریلیب بیریلماقده

بیرلشگن ملتلر تشکیلاتی خوفسیزلیک کینگشی, سوریه نینگ شمالغربی گه بشری یاردم ییتیشتیریلیب بیریلیشی اوچون تورکیه ده گی جلوه گوزی چیگره دروازه سیدن فایده له نیلیشی گه اجازت بیره دیگن قرار نی ینه 6 آی لیک بیر مدت بیلن تمدید ایتدی. 

اون بیش اعضاسی بولگن بیرلشگن ملتلر تشکیلاتی خوفسیزلیک کینگشی, تورکیه آرقه لی 10- جولای گه قدر تقریباً 4 میلیون کیشی گه بشری یاردم ییتیشتیریلیب بیریلیشی بوییچه قرار نی آرا اتفاقی بیلن قبول قیلدی. 

بیرلشگن ملتلر تشکیلاتی نینگ معلوماتی گه کوره, میلادی 2023- ییلده 15,3 میلیون کیشی (اوروش لرنینگ باشله گن میلادی 2011- ییلدن بیری اینگ یوقاری رقم) بشری یاردم گه ضرورت حس ایته دی. 

خوفسیزلیک کینگشی نینگ میلادی 2014- ییلده قبول ایتگن قرار لایحه سی دایره سیده, سوریه نینگ شمالغربی ده گی منطقه لر گه خلق ارا یاردم یوباریلماقده.

حاضرگی کونده فقط گینه جلوه گوزی چیگره دروازه سی آرقه لی بشری یاردم ییتیشتیریلیب بیریلماقده.