پولند اوکرایندن کیلگن یره لیلرنی اروپا اولکه لریگه جونتیش گه قرار قبول قیلدی

روسیه – اوکراین اوروشی باشله گندن بیری اوکرایندن یره لی و کسل قبول قیلیب آلگن پولند بوندن کیین داریلش اوچون اروپانینگ ایریم اولکه لریدن هم یاردم آله جگینی بیلدیردی.

پولند ساغلیکنی سقلش وزیرلیگی سوزچیسی وویچ آندروسیوویچ، اولکه نینگ رسمی خبر آژانسی PAP گه بیرگن بیاناتده، اوکرایندن کیله دیگن کسل و یره لیلرنینگ داریلینیشی اوچون اروپانینگ ایریم اولکه لریگه هم جونته جکلرینی معلوم قیلیب 14 کیشی لیک بیرینچی گروپ نینگ ناروی گه جونتیلیشیدن خبر بیردی.

کسللرنینگ بیر قطاری نینگ پولندده گی کسلخانه لرده جایلشتیریله جگینی افاده ایتگن وویچ آندروسیوویچ؛

"پولند، اوکراینده تاباره کوپه ییب بارگن قوراللی فعالیت و اوجایده گی کسلخانه لرده گی برق یوقلیگی طفیلی اوکراینلیک کسللرنی اروپا اولکه لریگه تشیش گه تیارگرلیک کورماقده میز." دیب ایتدی.

وویچ آندروسیوویچ شونده ی بولیب پولندده داریلنیشی نینگ آرتیدن جبهه گه قیتیب بارگن انچه اوکراینلیک حربی نینگ بارلیگینی قید ایتدی.