اوروپا پارلمانی روسیه نی تروریزم نی قوللب- قُوَتلاوچی دولت اوله راق اعلان قیلدی

اوروپا پارلمانی, روسیه نینگ اوروش جرمی گه مرتکب بولگن لیگی و تروریزم دن بیر واسطه صفتیده استفاده ایتیاتگن لیگی نی بیلدیردی. 

اوشبو دایره ده اوروپا پارلمانی روسیه نی, 'تروریزم نی قوللب- قُوَتلاوچی دولت' اوله راق اعلان قیلدی. 

اوروپا پارلمانی تامانیدن بیریلگن بیاناتده, "پارلمان, روسیه نینگ اوکراین گه قرشی آلیب باریاتگن رحم سیز اوروشیده گی سونگّی ینگی لیک لر بیلن علاقه لی بیر قرار نی قبول قیلدی.  ملت وکیل لری, روسیه کوچ لری و وکیل لری نینگ اوکراین ده گی عادی اهالی گه قره تیلگن عمدی هجوم لری و وحشت لری, ملکی زیربنا نینگ تخریب ایتیلیشی, خلق ارا و انسان بیلن علاقه لی باشقه حقوق نینگ جدی بیر شکلده ایاق آستی قیلینیشی نی تروریزم و اوروش جرمی ایتیب قبول قیلماقده.  اوشبو دایره ده روسیه, 'تروریزم حمایه چیسی' و 'تروریزم دن واسطه صفتیده استفاده ایتیاتگن' بیر دولت اوله راق تن آلیندی" دییه قید ایتیلدی. 

قانون لایحه سیده, اوروپا اتفاقی نینگ تروریزم لیستی بیلن علاقه لی قانونی چوکات نینگ ینگی له نیشی و شونده ی قیلیب روسیه نینگ اوشبو لیست گه کیریتیلیشی اوچون شرایط  نینگ تامین ایتیلیشی طلب قیلیندی.  عینی دمده واگنر گروپی بیلن روسیه نینگ مالی حمایتی نی کسب ایتیاتگن قوراللی گروه لر نینگ تروریزم لیستی گه کیریتیلیشی طلب ایتیلدی. 

اوروپا پارلمانی وکیل لری قانون لایحه سیده, 24- فبروری ده اوروش باشلتگن روسیه نینگ اوکراین ده مینگلب عادی اهالی و باله نینگ حیاتی نی یوقاتیشی گه سبب بولگن لیگی نی بیلدیررایکن, حاضرگی کون گه قدر روسیه نینگ 40 مینگ دن آرتیق "اوروش جرمی نینگ" انیقلنگن لیگی نی معلوم قیلدی. 

اوشبو قانون لایحه سیده, روسیه نینگ خلق ارا مقیاسده تجرید ایتیلیشی نینگ جدللشتیریلیشی, اوروپا اتفاقی ده پروپاگند قیلیاتگن روسیه بیلن ارتباطی بولگن موسسه لرنینگ یاپیلیشی یاکه ممنوع قیلینیشی طلب ایتیلدی. 

عینی دمده پارلمان وکیل لری اوروپا اتفاقی نینگ روسیه گه قره تیلگن توقیزینچی تحریم پروگرامی نینگ هم تکمیل بولیشی نی طلب قیلدی.