پولند نینگ اوکراین چیگره سیده گی منطقه سی گه راکت اصابت ایتدی

پولند نینگ اوکراین چیگره سیده گی بیر قیشلاققه انیقلنمه گن بیر تامان دن آتیلگن راکت نینگ اصابت ایتیشی عاقبتیده 2 کیشی حیاتی نی یوقاتدی. 

جمهوررئیس آندژی دودا, "راکت نینگ کیم لر تامانیدن آتیلگن لیگی انیق ایمس" دییه قید ایترایکن, ملی خوفسیزلیک کینگشی ییغیلیشی نی اوتکزیش گه قرار قیلدی. 

پولند باش وزیری ماتئوش موراویه تسکی, اولکه سی نینگ ناتو اعضاسی ایکن لیگی نی بیلدیررایکن, ناتو نینگ 4- ماده سی نینگ تطبیق ایتیلیشی نینگ کون ترتیبی ده ایکن لیگی نی معلوم قیلدی. 

موراویه تسکی, روسیه ایلچیسی نینگ پولند تشقی ایش لر وزیرلیگی گه چقیریله دیگن لیگی نی ایسله تیب اوتدی. 

روسیه مدافعه وزیرلیگی تامانیدن بیریلگن یازمه بیاناتده ایسه, اوشبو راکت نینگ روسیه گه عاید ایمس لیگی بیلدیریلدی. 

امریکا قوشمه ایالتلری دولت رهبری جو بایدن ایسه, پولند جمهوررئیسی دودا بیلن صحبت قیلیب پولند بیلن همکار ایکن لیک لری نی بیلدیردی. 

صحبت آرتیدن آق اوی تامانیدن بیریلگن بیاناتده, بایدن نینگ تیرگاو پروسه سیده پولند بیلن هر خیل همکارلیک نی قیله دیگن لیک لری نی بیلدیرگن لیگی معلوم قیلیندی. 

ناتو تامانیدن بیریلگن بیاناتده ایسه, "اوشبو خبر لر نی تیکشیرماقده میز و متفقی میز پولند بیلن یقین همکارلیکده میز" دییه قید ایتیلدی. 

ناتو عمومی منشی سی ینس استولتنبرگ هم, وضعیت نی یقین دن کوزه تیاتگن لیگی نی بیلدیردی. 

اوروپا اتفاقی کینگشی باشلیغی چارلس میشل, اوروپا اتفاقی نینگ پولند نینگ یانیده ایکن لیگی نی معلوم قیلرایکن, پولند مقام لری, اوروپا کینگشی اعضالری و باشقه متفق لر بیلن ارتباطده ایکن لیگی نی بیلدیردی.