تورکیه ده امریکا و روسیه استخبارات باشلیق لری اورته سیده اوچره شوو بولیب اوتدی

تورک استخبارت منبع لری, تورکیه جمهوریتی استخبارات اداره سی (میت) میزبانلیگیده, تورکیه ده, امریکا قوشمه ایالتلری مرکزی استخبارات تشکیلاتی (سی آی ای) و روسیه تشقی استخبارات سرویسی (اس وی آر) باشلیق لری اورته سیده اوچره شوو بولیب اوتگن لیگی نی بیلدیردی. 

اوشبو مبنع لر, سی آی باشلیغی بیل بورنس بیلن اس وی آر باشلیغی سرگی ناریشکین اورته سیده گی اوچره شوو نینگ, میت میزبانلیگیده پایتخت انقره ده بولیب اوتگن لیگی نی معلوم قیلدی. 

تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون هم اسوشتید پریس بیلن قیلگن مصاحبه سیده اوشبو اوچره شوو نی تائید ایتدی. 

آلتون, "اوشبو اوچره شوو, تورکیه و جمهوررئیس رجب طیب اردوغان نینگ خلق ارا تینچلیککه قوشگن مهم حصه لری گه ینگی بیری نی قوشیمچه قیلیب قویدی" دییه قید ایتدی. 

آلتون, اوچره شووده هسته ای قورال لر دن فایده له نیش کبی خلق ارا خوفسیزلیک نی تهدید قیلیاتگن مسئله لر باره سیده بحث ایتیلگن لیگی نی بیلدیردی. 

فخرالدین آلتون اوز سوز لری نی, "آلدین اوکراین و روسیه تشقی ایش لر وزیرلری نی اوچره شتیرگن و غله بوییچه کیلیشوو توغریسیده واسطه چیلیک قیلگن تورکیه, تینچلیک اوچون برچه تامان لر بیلن مذاکره قیلیش گه دوام ایته دی.  اوشبو پروسه ده فعالیت یوریتیش دن تارتینمه یدی" شکلیده دوام ایتتیردی. 

کرملین سوزچیسی دیمیتری پسکوف, انقره ده گی اوشبو اوچره شوو نینگ امریکا قوشمه ایالتلری نینگ طلبی گه بناً بولیب اوتگن لیگی نی بیلدیردی. 

پسکوف, روس خبر آژانس لری آرقه لی بیرگن بیاناتیده, اوشبو اوچره شوو نینگ محتوا سی حقیده معلومات بیریشی نینگ ممکن ایمس لیگی نی معلوم قیلرایکن, "حقیقت دن هم بونده ی بیر اوچره شوو بولیب اوتدی.  اوشبو اوچره شوو امریکا تامانی نینگ طلبی گه بناً بولیب اوتدی" دییه قید ایتدی. 

آق اوی ملی خوفسیزلیک کینگشی دن اسمی نینگ ذکر ایتیلمس لیگی نی طلب قیلگن بیر مسئول کیشی هم, اینیقسه ریسک و استراتژیک برقرارلیککه تیگیشلی ریسک لرنینگ باشقریلیشی بوییچه روسیه بیلن مذاکره ایشیک لری نینگ آچیق ایکن لیگی نی بیلدیردی.